Om Einingsregisteret

Hovudoppgåve

Einingsregisteret skal fremje effektiv utnyttig og samordning av offentlege opplysningar om ulike typar verksemder. Registeret er eit sentralt grunndataregister som registrerer basisopplysningar om verksemder, slik at dei slepp å melde dei same opplysningane til fleire. Opplysningane blir kalla grunndata og blir brukt i stor skala på tvers av forvaltninga og blant private aktørar. Slik bidrar Einingsregisteret med forenkling, både for verksemdene og offentleg forvaltning.

Kva bli registrert?

Einingsregisteret tildeler eit ni-sifra organisasjonsnummer til alle som blir registrert. Slik får kvar enkelt verksemd ein unik identifikator som kan gjenbrukast av alle og som gjer utveksling av opplysningar enklare.
Grunndataa i registeret kan beskrivast som sentrale basisopplysningar som blir brukt av mange, som for eksempel namn, adresse, organisasjonsform, aktivitet/bransje og rollar. Einingsregisteret inneheld grunndata om ulike typar verksemder; enkeltpersonføretak, selskap, foreiningar, kommunar, sameige med fleire. Registrering i Einingsregisteret er eit vilkår for registrering i mange andre register, som Meirverdiavgiftsregisteret, Føretaksregisteret, NAV Aa-registeret, Stiftelsesregisteret, SSBs bedrifts- og føretaksregister og Konkursregisteret. I tillegg registrerer mange verksemder seg frivillig.

Alle opplysningane i Einingsregisteret er offentlege, med unntak av fødselsnummer og d-nummer.

Du må betale eit gebyr for registrering. Dette gjeld ikkje registrering av ungdoms- og studentbedrifter, lag og foreiningar.

Korleis blir informasjonen i Einingsregisteret brukt?

Mange er avhengige av opplysningane som finst i Einingsregisteret. Dei blir brukt på  tvers i forvaltninga og elles i samfunnet, både kommersielt og elles. Organisasjonsnummer er ei unik identifisering som gjer gjenbruk og utveksling av opplysningar enkelt. Vi tilgjengeleggjer data på ulike måtar, blant anna i sanntid, i tenester for opne data, samstundes som vi leverer daglege endringar i Einingsregisteret til ei rekke aktørar både i offentleg forvaltning og privat sektor.

Registrerte rollar i Einingsregisteret er sjølve grunnlaget for rettar og rollar i Altinn.

Som nasjonal felleskomponent bidrar også Einingsregisteret med grunnleggande opplysningar som blir gjenbrukt i forvaltninga ved etablering og drift av digitale tenester.

Historia bak etableringa

Einingsregisteret blei opna i 1995, og var eit av dei viktigaste effektiviseringstiltaka i forvaltninga på den tida. Grunndata frå fleire sentrale register blei samla, og det blei etablert ein felles identifikator; organisasjonsnummer. I staden for at kvar offentlege etat sender ut kvar sitt skjema til verksemdene, sørger Einingsregisteret for at opplysningane kan hentast frå ein stad.