Endre opplysningar for eit ansvarleg selskap

Du registrerer ny adresse ved å sende inn Samordna registermelding i Altinn.

Ny forretningsadresse

Forretningsadressa til eit ansvarleg selskap skal vere ei norsk gateadresse eller eit norsk stadnamn.

Ved endring av adresse til ny kommune, må du lage ein ny selskapsavtale. Dersom  selskapsavtalen ikkje er skriven under av alle deltakarane etter endringa, må selskapsmøtet godkjenne endringa.

Ved endring til ny kommune må du legge ved

• oppdatert selskapsavtale
• protokoll frå selskapsmøtet dersom ikkje alle deltakarane har skrive under selskapsavtalen

Ny postadresse

Du er ikkje nøydd til å melde ei eiga postadresse. Dersom du ønsker posten send til  ei anna adresse, kan du melde dette som postadresse.

Du registrerer endringar av deltakarar ved å sende inn Samordna registermelding i Altinn.

Du må lage ein ny selskapsavtale. Dersom  selskapsavtalen ikkje  er skriven under av alle deltakarane etter endringa, må selskapsmøtet godkjenne endringa.

Du må legge ved

• oppdatert selskapsavtale
• protokoll frå selskapsmøtet, dersom ikkje alle deltakarane har skrive under selskapsavtalen
• erklæring frå deltakarane som fråtrer selskapet, der dei samtykker i at fråtredinga vert registrert i Føretaksregisteret

Du registrerer nytt styre ved å sende inn Samordna registermelding i Altinn.

Styret vert valt av selskapsmøtet.

Du må legge ved

• protokoll frå selskapsmøtet som viser vedtaket

Du registrerer nytt namn ved å sende inn Samordna registermelding i Altinn. Du må lage ein ny selskapsavtale.

Dersom  selskapsavtalen ikkje er skriven under av alle deltakarane etter endringa, må selskapsmøtet godkjenne endringa.

Du må legge ved

• oppdatert selskapsavtale
• protokoll frå selskapsmøtet, dersom ikkje alle deltakarane har skrive under selskapsavtalen

På sida Korleis vel eg namn på selskapet mitt? kan du lese meir om val av namn og kva omsyn du må ta.

Alle rolleinnehavarar kan melde eigenfråtreding. Når du fråtrer, gir du avkall på alle rettigheiter og plikter som rolla di har. Du gjer dette i Samordna registermelding i Altinn. Når fråtredinga er registrert, vil både selskapet og du som fråtrer bli varsla om dette.

Når selskapet endrar signatur, skal du melde dette i Samordna registermelding i Altinn.

Du må legge ved

• protokoll frå selskapsmøtet som viser tildeling av signatur

Det må gå tydeleg fram av protokollen at signatur er tildelt og om den er gitt i fellesskap eller kvar for seg.

Du kan ikkje registrere direkte omdanning frå ansvarleg selskap til aksjeselskap. Du må derfor

1. registrere det nye aksjeselskapet
2. slette det ansvarlege selskapet

For at omdanninga skal kunne vere skattefri, må aksjeselskapet vere stifta og melding om dette sendt til Føretaksregisteret i løpet av tidsrommet mellom 1.januar og utgangen av juni i inntektsåret, og det må vere gjennomført skattetrekk og utrekna arbeidsgivaravgift seinast frå 1. juli. Les meir om skattefri omdanning under Starte og drive bedrift i Altinn.