Søke om ettergiving av dagbøter (tvangsmulkt) for reelle rettshavarar

Sist oppdatert: 20. april 2026.

Det er berre i spesielle tilfelle at søknadar om tilbakebetaling blir godkjente.

Verksemder som har fått dagbøter fordi dei har fått melding om moglege feil i registeret og ikke har sendt inn nytt skjema innan fristen, kan søke om tilbakebetaling av dagbøter.

Det er ikkje mogleg å søke om tilbakebetaling dersom dagbøtene gjeld manglande førstegangsregistrering av reelle rettshavarar

Når kan verksemda søke om tilbakebetaling?

Når dagbøtene er stoppa og fastsett, kan verksemda søke om tilbakebetaling.

For å stoppe dagbøtene må du sende inn skjemaet Registrere reelle rettshavarar i Altinn.

Dagbøtene stoppar også dersom verksemda:

blir sletta etter å ha sendt inn Samordna registermelding i Altinn
er kravd konkurs i tingretten
for NUF – blir sletta i Føretaksregisteret, gjeld for dei som ikkje har plikt til å vere registrert i Føretaksregisteret
er under tvangsoppløysing eller tvangsavvikling

Verksemda må betale dagbøtene sjølv om ho søker om tilbakebetaling. Dersom søknaden blir innvilga, vil beløpet bli tilbakebetalt (ettergitt) heilt eller delvis.

Søknaden må sendast inn til oss innan eitt år etter at verksemda har mottatt varsel om dagbøter i Altinn.

Kva må søknaden innehalde?

Du må sende inn ein skriftleg søknad der du

forklarer kvifor verksemda ikkje har sendt inn nytt skjema om reelle rettshavarar innan fristen
dokumenterer årsakene du legg til grunn

Vilkår for ettergiving

Vilkåra for å få tilbakebetalt dagbøtene er:

Forhold utanfor den registreringspliktige sin kontroll

For at vilkåret kan føre til ettergiving, må søkar:

dokumentere at det oppsto uventa forhold som var utanfor hen sin kontroll i rolla som ansvarleg for verksemda
ha gjort alt som var mogleg for å overhalde innsendingsplikta

Det må vere samanheng mellom det som har skjedd og at skjemaet ikkje blei sendt innan fristen.

Særlege rimelegheitsgrunnar

Vilkåret gjeld når det blir heilt urimeleg å oppretthalde dagbøtene. Dette skjer berre i svært spesielle tilfelle.

Vilkåra er strenge og det er vanskeleg å få ettergitt dagbøtene. Det er berre i spesielle tilfelle at vi kan ettergi dagbøtene heilt eller delvis.

Eksempel på årsaker som kan føre til ettergiving

akutt eller alvorleg sjukdom
datahavari
brann
tyveri

Eksempel på årsaker som ikkje fører til ettergiving

vankunne om lover og reglar som gjeld
alder
sjukdom hos berre éin når det er fleire med roller i verksemda
når styrevervet er ein formalitet
ikkje mottatt påminning om å sende inn skjemaet
lita eller inga drift i verksemda
at verksemda er under avvikling
at verksemda har eit velgjerande formål, blir driven på dugnad eller ikkje driv næring
misforståing og andre interne forhold mellom verksemda og hennar regnskapsførarar eller revisorar, eller andre som jobbar med identifisering av reelle rettshavarar på vegner av verksemda
dårleg økonomi i verksemda
at tvangsmulkta er urimeleg stor
arbeidspress
tekniske problem med interne program i verksemda

Kvar skal du sende søknaden?

Søknaden sender du til:

Dersom søknaden ikkje inneheld sensitiv informasjon, kan du sende han i kontaktskjemaet vårt.