Enklare offentlege innkjøp med eBevis
Sist oppdatert: 26. september 2023.
eBevis er ei datadelingsteneste frå Brønnøysundregistera som forenklar for alle partar i samband med innkjøp i offentleg sektor.
Informasjon i sanntid direkte frå datakjelda
eBevis gjer informasjon frå ulike datakjelder tilgjengeleg for innkjøpsansvarlege i offentleg sektor gjennom oppdragsgivar sitt konkurransegjennomføringsverktøy (KGV). eBevis er bygd på tekniske komponentar i Altinn.
Brønnøysundregistera og Direktoratet for forvaltning og økonomistyring (DFØ) har arbeidd saman for å spesifisere informasjonselementa som er med i eBevis. Dei inneheld både opne data og data som krev samtykke eller fullmakt frå kvar leverandør.
Brønnøysundregistera og Skatteetaten er datakjeldene som blir brukt i dag. Vi planlegg å utvide med fleire informasjonselement og datakjelder.
Kva er fordelane med eBevis?
- forenklar krava frå leverandørane om å levere attestar frå det offentlege
- informasjon direkte frå dataeigar i sanntid – kan ikkje manipulerast
- gjer det enklare å utvikle automatiske kontrollrutinar
- leverer alltid oppdatert informasjon/dokumentasjonsbevis, også i kontraktsperioden
eBevis er ei teneste som er utvikla i eit samarbeid mellom Brønnøysundregistera, Direktoratet for forvaltning og økonomistyring og Digitaliseringsdirektoratet.
Vil du vite meir om eBevis, finn du teknisk forklaring og innhald i tenesta på Altinn sine nettsider.
Du finn fagleg informasjon om anskaffingar på DFØ sine nettsider.
eBevis har ikkje et eige brukargrensesnitt, men gir leverandørar av konkurransegjennomføringsverktøy (KGV) fri tilgang til informasjon frå offentlege datakjelder.
Du som oppdragsgivar må derfor ha et KGV-verktøy eller tilsvarande for å få tilgang til informasjon frå eBevis.
Om du har spørsmål eller ønsker å starte og bruke eBevis, ta gjerne kontakt gjennom kontaktskjemaet vårt.
Har du tekniske spørsmål, sjå utviklingsguide for eBevis i Altinn.
Du kan sende inn spørsmål på kontaktskjemaet vårt.