Endre opplysningar for eit eigarseksjonssameige

Du registrerer nytt namn på eigarseksjonssameiget ved å sende inn Samordna registermelding i Altinn.

Det nye namnet blir bestemt av årsmøte.

Du må legge ved

• protokoll frå årsmøte som viser vedtaket om endring av namn

Ved registrering i Føretaksregisteret må du også

• legge ved nye vedtekter der det nye namnet er tatt inn

Du registrerer nytt styre ved å sende inn Samordna registermelding i Altinn.

Før opp heile styret sånn som det framstår etter valet, inkludert eventuelle varamedlemmer. Nye styremedlemmer og eventuelle varamedlemmer må stadfeste at dei tar på seg vervet, ved å signere i skjemaet.

Årsmøtet vel styret.

Det er ingen krav vedlegg, du dokumenterer styrevalet ved å erklære i skjema at:

• styret er gyldig valt av årsmøtet, og
• det finst ein protokoll som viser siste valte styre og at dette er i samsvar med det som er meld i skjemaet

Brønnøysundregistera kan ta stikkprøver og krevje å få protokollen tilsend, både under utfyllinga av skjemaet og på eit seinare tidspunkt.

Når eigarseksjonssameiget endrar signatur, skal du melde dette i Samordna registermelding i Altinn.

Du må legge ved

• protokoll frå årsmøtet som viser tildeling av signatur
• oppdaterte vedtekter som inneheld signaturregelen

Du endrar revisor ved å sende inn Samordna registermelding i Altinn.

Revisor må veljast av årsmøtet og stadfeste i skjemaet at han tar på seg vervet.

Du må legge ved

• protokoll frå årsmøtet som viser vedtaket

Du endrar rekneskapsførar ved å sende inn Samordna registermelding i Altinn.

Rekneskapsførar må stadfeste i skjemaet at hen tar på seg oppdraget.

Er eigarseksjonssameiget registrert i Føretaksregisteret, må du legge ved dokumentasjon som viser at meld rekneskapsførar er engasjert, dersom ikkje heile styret har signert i skjemaet.

Eigarseksjonssameige som berre er registrert i Einingsregisteret

Eigarseksjonssameie som berre er registrert i Einingssregisteret skal ikkje sende inn nye vedtekter når desse er endra. Dersom endringane i vedtektene gjeld namn, matrikkelnummer, antal styremedlemmer eller signaturrett, skal de registrere dette i Samordna registermelding i Altinn.

Eigarseksjonssameige som er registrert i både Føretaksregisteret og Einingsregisteret

Det er berre eigarseksjonssameige registrerte i Føretaksregisteret som må sende inn nye vedtekter når desse er endret.
Dette gjer du i Samordna registermelding i Altinn.

Du må legge ved:

• protokoll frå årsmøtet som viser vedtaket om å endre vedtektene
• nye vedtekter der dei nye reglane er tatt inn

Kva register eigarseksjonssameiget er registrert i, finn du i verksemdopplysningar.

Alle rolleinnehavarar kan trekke seg frå si eiga rolla. Når du trekker deg, gir du avkall på alle rettar og plikter som rolla di har. Du gjer dette i Samordna registermelding i Altinn. Når vi har registrert dette, vil rolla di bli merka som avregistrert. Både du og eigarseksjonsameiget blir varsla.