Fråval av revisjon
Sist oppdatert: 27. august 2026.
Enkelte aksjeselskap kan velje at årsrekneskapen til selskapet ikkje skal reviderast. Dette kallar vi fråval av revisjon.
Fråvalet gjeld ikkje før det er registrert i Føretaksregisteret.
Du må sende inn årsrekneskapen sjølv om han ikkje skal reviderast.
Har de fått melding i Altinn om å melde revisor?
Føretaksregisteret kan ikkje utsette fristen som er gitt i brevet, jf. aksjelova §§ 16-16 og 16-17 (lovdata.no).
Dersom de ikkje overheld fristane, sender vi saka til tingretten for eventuell tvangsoppløysing av selskapet.
Ofte stilte spørsmål om fråval av revisjon:
Når årsrekneskapen frå i fjor er godkjent av generalforsamlinga.
Da veit generalforsamlinga om krava for fråval er oppfylte:
- driftsinntektene er lågare enn 7 millioner kroner
- balansesummen er lågare enn 27 millioner kroner
- gjennomsnittleg antal tilsette ikkje overstig 10 årsverk
Aksjeinnskotet ved stiftelsen må vere mindre enn 27 millionar kroner dersom selskapet ikkje skal revidere den første årsrekneskapen.
Når årsrekneskapen for i fjor ikkje er godkjent av generalforsamlinga.
Det kan heller ikkje bli vedtatt dersom selskapet
- driv med apotek- eller advokatverksemd
- er godkjent som medhjelpar etter pengespillforskrifta
- er morselskap i konsern og konsernet i sin heilskap har
- driftsinntekt som er 7 millioner kroner eller meir
- balansesum på kroner 27 millioner eller meir, eller
- fleire enn 10 årsverk
- er under tilsyn av Finanstilsynet
- er pålagt revisjon av liknings- eller avgiftsmyndigheitene
Du må melde fråval av revisjon i Samordna registermelding. Legg ved generalforsamlingsprotokoll frå inneverande år som viser at selskapet har vedtatt fråval av revisjon.
Om fjorårets årsrekneskap ennå ikkje er send inn til Rekneskapsregisteret, må du også legge ved protokoll frå ordinær generalforsamling som viser at årsrekneskapen er godkjent.
Du må straks sende inn melding til Føretaksregisteret. Meldinga må vere mottatt hos oss seinast éin månad etter generalforsamlinga sitt vedtak.
Fråvalet gjeld for inneverande rekneskapsår eller seinare når det er registrert i Føretaksregisteret.
Det er ikkje lov å vedta fråval av revisjon for tidlegare rekneskapsår.
Da må styret straks kalle inn generalforsamlinga og foreslå val av revisor.
Når revisor er vald må selskapet straks sende inn endringa i Samordna registermelding.
Meldinga må innehalde:
- protokoll frå generalforsamlinga
- revisor si stadfesting på at hen tar oppdraget