Rettleiing til registrering av stønadsordning notifisert stønad

Vel eitt av følgande alternativ:
Notifikasjon i medhald av EØS-avtalen artikkel 61 (2) bokstav b
Notifikasjon i medhald av EØS-avtalen artikkel 61 (3) bokstav b
Notifikasjon i medhald av EØS-avtalen artikkel 61 (3) bokstav c

Dersom du har vald notifikasjon i medhald av EØS-avtalen artikkel 61 (3) bokstav b eller c får du spørsmål om stønaden er gitt i medhald av ESA-retningslinje. Svarer du ja, får du opp ei liste over ESA-retningslinjer som høyrer under valte primærrettslege grunnlag. Det er mogleg å legge inn fleire retningslinjer.

EFTA sitt overvakingsorgan (ESA) publiserer vedtak i notifikasjonssaker på nettsidene sine. Her finn du informasjon om ESA-ID til notifikasjonsvedtaket, vedtaksdato og lenke til pdf-versjon av ESA-vedtaket.

Eksempel: Compensation scheme for rail freight operators due to damage to Otta bridge som er registrert med stønadstiltaksnummer 1000026410 – Støtteordning for godstog som følge av skade på Otta bru.

ESA-ID: 107/25/COL

Dato: 09. juli 2025

Nettadresse: https://www.eftasurv.int/cms/sites/default/files/documents/gopro/Case%2094089%20-%20College%20Decision%20107%2025%20COL%20-%20State%20aid%20-%20Norway%20-%20Compensation%20scheme%20for%20freight%20operators%20due%20to%20da.pdf

Vel type stønadsordning (ordinær eller ad hoc). Ei stønadsordning er eit rammeverk for utdeling av fleire enkelttildelingar av stønad. Stønadstildelinga kan også bli gitt utan grunnlag i ei etablert stønadsordning, som individuell stønad, også kalla enkelttildeling utanfor stønadsordning (ad hoc stønad).

I nokre tilfelle er det eit departement som er oppgitt overfor ESA som stønadsgivar i notifikasjonsvedtaket, mens det er ein etat som utøver stønadsgivarfunksjonen. I slike tilfelle kan du angi ansvarleg departement ved å legge inn organisasjonsnummeret til departementet. Bruk verksemdsopplysningar til å finne organisasjonsnummer.

Vel kva stønadsinstrument som kan bli brukt ved tildeling etter stønadsordninga. Lista omfattar følgande stønadsinstrument:

• Anna
• Eigenkapitalinvestering
• Forskot
• Garanti
• Lån
• Rentesubsidiar
• Risikofinansiering
• Skatte- eller avgiftsfordel
• Skatte- eller avgiftsfritak
• Tilskot

Ulike retningslinjer for notifisert stønad opnar for å differensiere stønadstildeling basert på stønadsmottakar sin størrelse. For eksempel at det berre er små og mellomstore føretak som blir omfatta, eller at dei har høgare stønadsintensitet eller høgare maksimalt stønadsbeløp enn store føretak. Dersom stønadsordninga er innretta slik at tildeling av stønad er basert på stønadsmottakar sin størrelse ut frå dei størrelseskriteria som er angitt i «Commission Recommendation of 6 May 2003 concerning the definition of micro, small and medium-sized enterprises, må du oppgi kva gruppe(er) av stønadsmottakar som blir omfatta.

Ved avgjerda må stønadsgivar vurdere om stønadsmottakar er å rekne som ei uavhengig verksemd (der ein berre ser på stønadsmottakar aleine), eller om han også har partnerverksemder og/eller tilknytte verksemder som skal bli tatt med i berekningsgrunnlaget for berekning av størrelsen på stønadsmottakar.

Dersom stønadsordninga har eit statsstønadsrettsleg grunnlag der det blir opna for å differensiere stønaden basert på stønadsmottakar sin størrelse og stønadsordninga er innretta på dette i praksis (dvs. at ein bruker dei kriteria som er angitt i aktuell definisjon ved stønadstildeling), så må du gjere ei vurdering av om stønadsmottakar sin størrelse ved tildeling. Og da skal du også angi størrelse på stønadsmottakar ved innrapportering av stønadstildeling til Stønadsregisteret.

Innovasjon Noreg har ein ganske grundig gjennomgang av dette på nettsida si. Sjå punkt 6 i rettleiinga.

Region blir registrert på fylkesnivå. Her kan du velje mellom å angi spesifikke regionar, også utgåtte. Eller «Alle regionar utanom Svalbard» dersom stønadsordninga er landsdekkande. Alle nåverande og utgåtte regionar vil da vere tilgjengelege ved rapportering av stønadstildeling.

Angi kva næringssektorar som er dekte av stønadsordninga. Vel alle næringar eller spesifikke næringar. Oversikta er basert på nivå 3 for Standard for næringsgruppering (SN) frå 2007 som er bygd på NACE Rev. 2.