Ny einingsregisterlov og føretaksregisterlov frå 1. januar 2026

Frå 1. januar 2026 vil det ikkje lenger vere mogleg å registrere nestleiar i Einingsregisteret. I Føretaksregisteret, kan det berre registrerast nestleiar når krav om nestleder følger av lov. Vi vil i perioden januar – mars 2026 omregistrere rolla nestleiar til styremedlem, for dei som ikkje må ha rolla nestleiar registrert.

Sjekk signatur- og prokuravedtaka

Der vi har omregistrert rolla nestleiar til styremedlem, og nestleiar er tildelt signatur eller prokura, må verksemda melde til Einingsregisteret og Føretaksregisteret om vedtaket skal endrast eller gå ut.

Les meir i nyheitssaka.

Rettar og tilgangar i Altinn

Om nestleiar har rettar eller tilgangar i Altinn, kan desse bli påverka. Dersom retten er delegert på fødselsnummeret til personen, vil personen behalde retten. Dersom retten er knytt til rolla som er registrert i Einingsregisteret, må ein annan rolleinnehavar, for eksempel styreleiar, delegere retten til personen sitt fødselsnummer om hen framleis skal ha retten.

Det er berre verksemder som ikkje har ein fysisk person registrert i gitte roller som skal registrere kontaktperson i Einingsregisteret. Desse rollene er styreleiar, nestleiar, styremedlem, varamedlem, dagleg leiar, forretningsførar, deltakar, innehavar, styrande reiar eller bustyrar.

Dersom verksemda har registrert kontaktperson, men også ein fysisk person i ei av dei nemnde rollene, vil vi i perioden januar – mars 2026 fjerne den registrerte kontaktpersonen.

Når verksemda har fleire kontaktpersonar

Dersom ei verksemd som skal ha kontaktperson, har to eller fleire kontaktpersonar registrerte i dag, vil vi sørge for at det berre blir éin kontaktperson registrert.

Verksemda vil få eit brev frå oss med frist til å gi tilbakemelding på kva kontaktperson som skal halde fram med å vere registrert.

Rettar og tilgangar i Altinn

Om kontaktperson har rettar eller tilgangar i Altinn, kan desse bli påverka. Dersom retten er delegert på fødselsnummeret til personen, vil personen behalde retten. Dersom retten er knytt til rolla som er registrert i Einingsregisteret, må ein annan rolleinnehavar, for eksempel styreleiar, delegere retten til personen sitt fødselsnummer om hen framleis skal ha retten.

Det vil ikkje lenger vere mogleg å registrere observatørar i Einingsregisteret og Føretaksregisteret. For verksemder som har rolla observatørar registrert, vil vi fjerne desse i perioden januar – mars 2026.

Dette betyr at verksemder som ikkje er registrerte i Føretaksregisteret må melde inn varamedlemmeme sine til Einingsregisteret så snart som mogleg etter 1. januar 2026.

Frå 1. januar 2026 er det eit krav til at fleire må gi ei signert stadfesting på at dei påtar seg rolla som dei skal registrerast i. Stadfestinga kan bli gitt ved å signere skjemaet i Altinn eller på papirskjemaet som blir sendt i posten.

Dei som skal stadfeste at dei påtar seg rolla, er:

• alle medlemmer av styret (nytt i Einingsregisteret frå 1. januar 2026)
• varamedlemmer (nytt frå 1. januar 2026)
• daglege leiarar (nytt i Einingsregisteret frå 1. januar 2026)
• revisorar
• rekneskapsførarar
• norsk representant

Dette gjeld både verksemder som er registrerte i Einingsregisteret og Føretaksregisteret.

For deltakarar i ansvarlege selskap

Nå må alle deltakarane, både nye, eksisterande og dei som trer ut, stadfeste endringar i deltakarforholdet. Stadfestinga kan bli gitt ved å signere skjemaet.