(22.12.2011) Frå 1. januar 2012 er minstekravet til aksjekapital i aksjeselskap 30 000 kroner. I dag må aksjekapitalen vere minst 100 000 kroner ved etablering av aksjeselskap.
Desse endringane vil gjelde frå årsskiftet:
- Kravet til minste aksjekapital blir sett ned frå 100 000 kroner til 30 000 kroner.
- Innskoten aksjekapital kan nyttast til å dekkje utgifter til stiftinga av aksjeselskapet.
- Også finansinstitusjonar – ikkje berre revisorar – kan stadfeste at selskapet har motteke den innskotne aksjekapitalen.
– Det vil ikkje vere mogeleg å stifte aksjeselskap med mindre enn 100 000 kroner i aksjekapital før lova tek til å gjelde. Det same gjeld for noverande selskap som vil setje ned aksjekapitalen til under 100 000 kroner. Dei må altså vente til i 2012, seier underdirektør Øyvind Vågan ved Brønnøysundregistra.
I løpet av 2. januar 2012 vil Brønnøysundregistra si elektroniske løysing vere i stand til å ta imot nymeldingar og melding om kapitalnedsetjing etter dei nye reglane.
Les pressemeldinga frå Justisdepartementet
|
