Brønnøysundregistera innfører klokkeslettsprioritet for tinglysingar frå 1. mars 2024
Publisert: 26. februar 2024 - oppdatert: 29. februar 2024
1. mars 2024 får tinglysingar prioritet ut frå klokkeslettet dokumenta kjem inn til Brønnøysundregistera. Dette skjer heile døgeret, alle dagar i veka.
Tinglysingar i Lausøyreregisteret får prioritet ut frå når dei blir registrerte. Dette betyr at tinglysingane som kjem inn først i utgangspunktet har høgare prioritet i ein situasjon der det ikkje er tilstrekkeleg med midlar til at alle kreditorane kan få dekt krava sine.
Fram til nå har tinglysingar fått prioritet ut frå kva dag dei har blitt registrerte, men frå 1. mars 2024 blir prioriteten rekna ut frå klokkeslettet (timar og minutt, ikkje sekund) dokumenta kjem inn til Brønnøysundregistera. Dette skjer heile døgeret, alle dagar i veka, heile året.
Papirdokumenta Brønnøysundregistera får innan klokka 14:00 blir gitt prioritet med klokkeslett 21:00 same dag. Papirdokumenta som kjem inn etter klokka 14:00 får prioriteten sett til klokka 21:00 neste vyrkedag.