Kva skal årsrekneskapen innehalde?

• resultatrekneskap
• balanse
• notar til rekneskapen
  • Det skal vere samsvar mellom notetilvisingar og notar i årsrekneskapen
• årsmelding (gjeld ikkje dei som følger reglane for små føretak)
• Berekraftsrapport (gjeld berre dei som har plikt til det)
  • Kven må rapportere om berekraft?
  • Sånn sender du inn berekraftsrapporten
• kontantstraumoppstilling (gjeld ikkje dei som følger reglane for små føretak)
• revisjonsmelding (om verksemda har revisjonsplikt)
  • Her finn du meir informasjon om fråval av revisjon for aksjeselskap

Skattemeldinga til Skatteetaten blir ikkje godkjend som årsrekneskap.

Årsrekneskapen og dokument som er lagt ved blir offentleggjort. Du må derfor ikkje leggje ved dokument med sensitiv informasjon. Dersom du legg ved elektronisk signerte dokument frå ei signeringsløysing som viser heile fødselsnummeret, må du sørge for at dei fem siste siffera i fødselsnummeret ikkje er synlege før innsending til Rekneskapsregisteret.

Dersom verksemda er morselskap i konsern, skal årsrekneskapen i tillegg innehalde

• resultatrekneskap for konsernet
• balanse for konsernet
• notar til årsrekneskapen for konsernet
• kontantstraumoppstilling for konsernet (gjeld ikkje dei som følger reglane for små føretak)
• revisjonsmelding for konsernet (dersom konsernet har revisjonsplikt)

Om heile konsernet følgjer reglane for små føretak, treng de ikkje å utarbeide og sende konsernrekneskap. Det finst også fleire unnatak frå å utarbeide konsernrekneskap. Kontakt rekneskapsførar eller revisor om du er i tvil.

Du må bruke riktig skjema for årsrekneskap, alle vedlagte dokument må vere tydeleg lesbar og du må sende alt samla.

Du må også legge ved dispensasjon frå Skattedirektoratet i desse tilfella:

• om årsrekneskapen ikkje er på norsk.
• når unntaket frå å utarbeide eige konsernrekneskap er brukt, og morselskapet høyrer heime i annan stat enn EØS-stat.