Skjema og rettleiing for NUF

Innsendaren vil bli brukt som mottakar for tilbakemeldingar om saka – det vil seie stadfestingar, brev, registerutskrift og liknande. Innsendaren er også ansvarleg for å betale gebyr til Einingsregisteret/Føretaksregisteret.

Dersom feltet ikkje er fylt ut, blir tilbakemeldingar, krav om gebyr og liknande sende til verksemda. Dersom innsendaren tidlegare har fått tildelt kundenummer av Brønnøysundregistera, gir du opp dette nummeret.

Saksreferanse/attention for innsendar:
Her kan du gi opp eigen referanse for saka dersom det er ønskeleg.

I dette feltet angir du kva meldinga gjeld. Ei melding kan gjelde eitt av desse forholda:
2.1 Verlsemd som ikkje er registrert tidlegare
2.2 Endringar/nye opplysningar
2.3 Sletting av verksemd

2.1 Verksemd som ikkje er registrert tidlegare

Her skal du krysse av dersom verksemda ikkje er registrert i Einingsregisteret tidlegare.

2.2 Endringar/nye opplysningar

Dersom verksemda er registrert i Einingsregisteret frå før, skal du i dei fleste tilfella krysse av i felt 2.2, «Endringar/nye opplysningar». Dette gjeld sjølv om verlsemda gjennom meldinga søker registrering i eitt av registra som er knytt til Einingsregisteret.

Du må alltid gi opp organisasjonsnummeret til verksemda og registrerte namn/føretaksnamn i felt 4.1. Fyll elles berre ut dei felta endringa gjeld. Du skriv «utgår» i det aktuelle feltet dersom endringa inneber at ei registrert opplysning skal slettast utan at ho blir erstatta med ei ny opplysning. For verksemder registrert i Føretaksregisteret er det gebyr på endring av føretaksnamn for føretaket si verksemd i Noreg, sjå forskrift om gebyr for tenester frå Brønnøysundregistera, §6.

2.3 Sletting av verksemd

Kryss av dersom verksemda skal slettast frå alle register (Einingsregisteret og dei registera som er knytte til det).

Sletting berre frå tilknytte registre

Det er fullt mogleg å slette verksemda frå eitt av registera knytt til Einingsregisteret utan å slette verksemda frå Einingsregisteret og/eller andre tilknytte registre.

Sletting i Føretaksregisteret

Verksemda har verken plikt eller rett til å vere registrert i Føretaksregisteret dersom ho ikkje lengre driv næringsaktivitet i Noreg. Dersom verksemda framleis ønsker, eller må vere registrert i Einingsregisteret, må du melde særskild sletting frå Føretaksregisteret i felt 27 – «Andre merknadar/opplysningar». Du skal i så fall ikkje krysse av for sletting.

Når verksemda skal registrerast i eit tilknytta register ho ikkje er registrert i frå før, skal du fylle ut dette feltet. 3.1 gjeld registrering i Føretaksregisteret. Felt 3.2 gjeld spørsmål om verksemda har omsetning som kjem inn under meirverdiavgiftslova sine reglar. Felt 3.3 gjeld registrering av opplysningar i NAV Aa-registeret.

Føretaksregisteret er i hovudsak eit register for næringsdrivande føretak i Noreg. Det kjem gebyr på registrering i Føretaksregisteret.

Dersom verksemda driv næringsaktivitet i Noreg eller på norsk kontinentalsokkel, fører dette til registreringsplikt i Føretaksregisteret. Det er to forhold som må vere til stades for at verksemda har registreringsplikt eller -rett i Føretaksregisteret; at det blir drive næringsaktivitet og at denne aktiviteten blir driven i Noreg.

Næringsaktivitet
Aktiviteten må ha ein økonomisk karakter og kunne gi avkastning for at ho reknast som næringsaktivitet. Aktiviteten må også ha ei viss varigheit og omfang. Det vil i utgangspunktet seie at aktiviteten må vare i meir enn 90 dagar og omsetninga må vere på minimum NOK 50 000 i løpet av ein periode på 12 månader.

Bli aktiviteten driven i Noreg?
For å avgjere om aktiviteten blir driven i Noreg, må ein gjere ei heilskapsvurdering. Moment som kan leggast til grunn for dette er mellom anna:

• Blir aktitiviteten utført frå ein driftsstad i Noreg?
• Blir aktiviteten utført på norsk jord, for eksempel innan byggebransjen eller helsesektoren?
• Har kunden inntrykk av å handle med eit føretak i Noreg?
• Kvar blir det inngått kontraktar?
• Kvar blir varebehaldninga lagra?
• Kvar skjer betalinga?

Ei verksemd som har omsetning som kjem inn under meirverdiavgiftslova sine reglar og som ikkje har fast forretningsadresse/driftsstad i Noreg, må melde ein norsk representant. Norsk representant skal meldast i felt 19 i skjemaet. Dette kravet gjeld ikkje for føretak som høyrer heime i ein EØS-stat eller Storbritannia, som Noreg har inngått avtale med om utveksling av opplysningar og gjensidig bistand til innkrevjing av meirverdiavgiftskrav.

Alle som er tilsett i andre si teneste for løn eller anna godtgjering blir rekna som arbeidstakar. Her skal det kryssast ja om verksemda forventar å få eigne tilsette eller kjem til å engasjere andre som skal få lønn eller honorar.

4.1 Fullstendig namn/føretaksnamn på verksemda

Feltet skal alltid fyllast ut.

Før opp det fullstendige namnet/føretaksnamnet og det norske organisasjonsnummeret til verksemda. Ved nyregistrering tildeler Einingsregisteret eit organisasjonsnummer. Namn/føretaksnamn for verksemda i Noreg fører du opp i felt 16.

4.2 Eventuelt nytt namn/føretaksnamn

Feltet skal berre fyllast ut dersom verlsemda melder inn endring av registrert namn/føretaksnamn.

Hugs at namnet/føretaksnamnet før endring skal førast opp i felt 4.1 saman med organisasjonsnummeret.

Gi opp forretningsadresse/besøksadresse. Med dette meiner vi gateadressa eller stadadressa til hovudkontoret. Her melder du også telefonnummer, mobiltelefonnummer og heimeside i heimlandet.

Verksemder som har særskild postadresse, til dømes postboks, gir den opp i tillegg til forretningsadressa/besøksadressa til hovudkontoret.

Her gir du opp stiftelsesdatoen til verksemda. For eldre verksemder som ikkje har nøyaktige opplysningar om dato for stiftelse er det tilstrekkeleg å føre opp året for stiftelse.

Feltet skal ikkje fyllast ut av andre enn verksemder som har krav om stiftelse i høve til lovgivinga i heimlandet.

Gi opp dato for når vedtektene vart fastsette eller endra. Fyllast berre ut dersom verksemda skal registrerast eller er registrert i Føretaksregisteret.

Ved nyregistrering må vedtektene leggast ved. Legg ved eit oppdatert eksemplar om det er endringar av desse.

Berre verksemder som har krav om vedtekter etter lovgivinga i heimlandet skal fylle ut dette feltet.

Dersom verksemda er eit aksjeselskap, gir du opp aksjekapitalen og kor mykje av han som er betalt inn. Gi opp kapitalen i valutaen til landet.

Feltet skal du berre fylle ut dersom verksemda skal registrerast i Føretaksregisteret.

Gi opp offisiell nemning for organisasjonsforma i heimlandet, og kryss av for om organisasjonsforma har avgrensa ansvar, uavgrensa ansvar, blanda ansvar eller om verksemda er eit enkeltpersonføretak.

11.1 Namn og adresse til føretaksregister i heimlandet

Dersom verksemda er registrert i eit offentleg føretaksregister i heimlandet skal du føre opp namn og adresse.

11.2 Registreringsnummer/ID-nummer i heimlandet

Gi opp verksemda sitt registreringsnummer/ID-nummer i føretaksregisteret i heimlandet.

Gi opp om føretaket er heileigd av norske personar eller føretak.

Gi opp om verksemda berre driv aktivitet i Noreg.

Feltet skal fyllast ut dersom verksemda har innehavar, styre, deltakarar, komplementar eller andre roller.

Innehavar i eit enkeltpersonføretak skal gi opp namn, adresse og fødselsnummer/d-nummer (11 siffer). Informasjon om d-nummer finn du under Nyttige lenker.

Har verksemda styre

Gi opp heile styret (leiar, styremedlemmer og varamedlemmer) med namn, adresse og fødselsdato, både ved nyregistrering og ved endring.

Har verksemda deltakarar

Gi opp alle deltakarar med namn, adresse og fødselsdato, både ved nyregistrering og ved endring.

Om verksemda har delt deltakaransvar, skal du gi opp ansvarsdel i prosent eller brøk.

Har verksemda rolleinnehavarar

Gi opp namn, adresse (postnummer og -stad) og organisasjonsnummer. Rolleinnehavarar kan vere personar eller i enkelte tilfelle juridiske personar. Eksempel på juridiske personar er aksjeselskap, allmennaksjeselskap og ansvarleg selskap.

Her melder du opplysningar som ikkje kan meldast i dei andre felta i blanketten. Døme på slike opplysningar er oppløysing og opning av konkurs.

Legg ved eige ark om det blir for liten plass.

16.1 Verksemda sitt fullstendige namn/føretaksnamn

Feltet skal alltid fyllast ut.

Gi opp verksemda sitt fullstendige namn/føretaksnamn i Noreg. Verksemda kan ha særskild namn/føretaksnamn i Noreg, eller bruke same namn/føretaksnamn som i heimlandet. Skal verksemda registrerast i Føretaksregisteret skal namnet bestå av hovudføretaket sitt namn og føretaksnemning, og ha med føretaksnemninga NUF. NUF skal stå bakarst i namnet.

16.2 Eventuelt nytt namn/føretaksnamn

Feltet skal berre fyllast ut dersom du melder endring av registrert namn/føretaksnamn. Hugs at du skal gi opp namnet/føretaksnamnet før endring i felt 16.1.

For verksemder registrert i Føretaksregisteret er det gebyr på endring av føretaksnamn i Noreg, sjå forskrift om gebyr for tenester frå Brønnøysundregistera, § 6.

Gi opp forretnings-/besøksadresse i Noreg. Dersom verksemda ikkje har eigen forretningsstad i Noreg skal du krysse av for dette.

Her melder du også telefonnummer, mobiltelefonnummer og heimeside i Noreg.

Verksemder som har særskild postadresse, for eksempel postboks, gir opp denne i tillegg til forretnings-/besøksadresse til hovudkontoret.

Meirverdiavgiftspliktig verksemd som ikkje har eigen forretningsstad i Noreg skal melde norsk representant. Kravet til å ha norsk representant gjeld ikkje for verksemder heimehøyrande i ein EØS-stat som Noreg har avtale med om utveksling av opplysningar og gjensidig hjelp til inndriving av meirverdiavgiftskrav. Frå 1. juli 2021 har også Storbritannia, på same måte som verksemder heimehøyrande i ein EØS-stat, unntak til krav om representant. Andre utanlandske føretak utan fast forretningsadresse i Noreg kan også melde norsk representant.

Feltet må fyllast ut med namn/føretaksnamn, adresse og fødsels-/organisasjonsnummer til representanten. Norsk representant må ha bustad /forretningsstad i Noreg. Dersom representanten er ein juridisk person, oppgir du i tillegg ein kontaktperson eller dagleg leiar i felt 20 i skjemaet.

Dersom verksemda har dagleg leiar for verksemda i Noreg, skal du gi opp denne. Dersom verksemda ikkje har fysiske personar i rollene dagleg leiar eller forretningsførar, eller manglar desse rollene, skal du oppgi ein kontaktperson.

Enkeltpersonar må føre opp fødselsnummer/d-nummer, namn og bustadsadresse.

Juridiske personar må føre opp organisasjonsnummer, namn og forretningsadresse.

Når du melder ein kontaktperson, må det utanlandske føretaket stadfeste kontaktpersonen si tilknyting til det utanlandske føretaket i eit eige vedlegg.

Om du melder eller det er registrert ein norsk representant, og den melde kontaktpersonen er tilsett hos representanten, kan representanten stadfeste kontaktpersonen si tilknyting til det utanlandske føretaket.

Gi ei så nøyaktig beskriving som mogleg av den aktiviteten som blir utført eller skal utførast i Noreg, eventuelt kva som er grunnlaget for registreringa. Ver oppmerksam på at det ikkje er nok å gi opp eit generelt overordna formål. Gi derfor opp kva som eventuelt produserast/seljast og/eller kva for tenester/aktivitetar som blir utført. Pass spesielt på å få klart fram kva bransje aktiviteten høyrer til.

Her er det gitt døme på kor detaljert beskrivinga må vere:

Bygg og anlegg:

• Grunnarbeid
• Oppføring av bygningar
• VVS-arbeid

Transport:

• Godstransport på veg
• Drosjebiltransport

Handel:

• Agenturhandel med tømmer, trelast og byggevarer
• Engroshandel med elektriske hushaldsapparat
• Butikkhandel med kjøtt og kjøttvarer

Konsulentverksemd:

• Bedriftsrådgiving
• Konsulenttenester innan programutvikling av kundespesifiserte program
• Konsulenttenester knytte til utvinning av råolje og naturgass

Dersom verksemda driv aktivitet i fleire bransjar, må du gi opp kvar enkelt av dei i rekkefølge etter storleiken på omsetting eller sysselsetting.

Verksemder som ikkje driv næringsaktivitet fører opp den aktiviteten som blir utøva. Eksempel på dette er verksemder med fast eigedom i Noreg, eigarar med norske verdipapir, rolleinnehavarar i selskap med meir.

Ved endring gir du opp den nye aktiviteten og dato for då ho tredde i kraft. Dersom verksemda har starta med tilleggsaktivitet, gir du også opp aktiviteten som blir utøvd frå før.

Før opp kven som er tildelt signatur. Signatur er ei fullmakt til å opptre og skrive under på vegner av verksemda i forretningsforhold. Det kan berre registrerast signatur som er tildelt dagleg leiar, styret for føretaket si verksemd i Noreg eller namngjevne personar. Er signatur tildelt namngjevne personar, må du føre opp namn, adresse og fødselsnummer/d-nummer til den/dei som er tildelt signatur.

Dersom fleire har signaturrett, må det gå klart fram om dei har retten kvar for seg eller i fellesskap. Avgrensingar ut over dette kan ikkje registrerast. For eksempel tidsmessige avgrensingar, beløpsavgrensingar eller at retten berre gjeld for verksemda i Noreg.

Før opp kven som er tildelt prokura.

Prokura er ei fullmakt på same måten som signatur, men er ikkje like omfattande. Prokuristen kan ikkje utan uttrykkjeleg fullmakt overdra eller hefte på verksemda sin faste eigedom eller lausøyre som kan registrerast i skipsregisteret eller luftfartøyregisteret, eller opptre på verksemda sine vegner i søksmål.

Det kan berre registrerast prokura som er tildelt dagleg leiar, styre for føretaket si verksemd i Noreg eller namngjevne personar. Er prokura tildelt namngjevne personar, må du føre opp namn, adresse og fødselsnummer eller d-nummer til den som er tildelt prokura.

Om fleire har prokura, må det gå fram om det gjeld kvar for seg eller i fellesskap. Andre avgrensingar kan ikkje registrerast. For eksempel tidsmessige avgrensingar, beløpsavgrensingar eller at retten berre gjeld for verksemda i Noreg.

Det registrerast berre prokura på næringsdrivande verksemder.

Du må fylle ut feltet dersom verksemda har revisor. Fyll ut med namn/føretaksnamn, adresse og organisasjonsnummer til revisor, sjå  einingsregisterlova § 7.

Spesielle krav:

Revisor må vere godkjend av Finanstilsynet og registrert i Revisorregisteret.

Merk at feltet har plass for underskrifta til revisor. Dersom revisor skriv under i dette feltet, er det ikkje nødvendig å legge ved særskild viljeserklæring. Dersom det er nødvendig med stadfesting av innbetalt kapital, må du likevel legge ved eigen erklæring om dette.

Du må fylle ut feltet dersom verksemda har rekneskapsførar. Fyll ut med namn/føretaksnamn, adresse og organisasjonsnummer til rekneskapsførar.

Spesielle krav:

Rekneskapsførar må vere autorisert av Finanstilsynet og registrert i Rekneskapsførarregisteret.

Merk at feltet har plass for underskrifta til rekneskapsførar. Dersom rekneskapsførar skriv under i dette feltet, er det ikkje nødvendig å legge ved viljeserklæring.

Feltet skal fyllast ut dersom verksemda har særskild styre for verksemda i Noreg. Før opp heile styret med fullt fødselsnummer/d-nummer, namn og adresse. Informasjon om d-nummer finn du under nyttige lenker.

Her melder du opplysningar som ikkje kan meldast i dei andre felta i blanketten. Legg ved eige ark om det blir for liten plass. Ekempel på opplysningar som skal meldast er:

• Eigenfråtreding i høve til einingsregisterlova § 5-6 første ledd og føretaksregisterlova 4-6 første ledd. Før opp kva for rolle(r) som rolleinnehavar trekker seg frå.
• Særskild sletting frå Føretaksregisteret. Sjå rettleiinga til felt 2.3.

Varslingsadresse er ei pliktig opplysning.

Varslingsadresse skal berre leggast inn på nye verksemder.

Varslingsadressene vil bli brukt av det offentlege for å varsle verksemda når viktige meldingar er tilgjengelege i Altinn. Opplysningane er berre tilgjengelege for offentlege myndigheiter.

Skal du endre desse opplysningane seinare, gjer du det under profilen til verksemda i Altinn.

Verksemda må ha minst ei varslingsadresse.

Meldinga må være underskriven om ho skal bli godkjend. Den/dei som skriv under meldinga, må stadfeste at opplysningane som er gjevne er riktige, og at dei er kjend med at det er straffbart å gi uriktige opplysningar, sjå straffelova § 189.

Kven som skal skrive under meldinga, avheng av kor verksemda skal registrerast, eller er registrert.

Dersom meldinga berre gjeld Einingsregisteret, skal ho underskrivast av styret, den som har signaturrett, dagleg leiar, forretningsførar eller annan kontaktperson. Om norsk representant er ein fysisk person, kan også denne skrive under.

Melding til Føretaksregisteret skal skrivast under av den som har signaturrett eller av meldepliktige. Meldepliktige er styret for den norske verksemda. Dersom slikt styre ikkje finst, er det dagleg leiar i den norske verksemda som skal skrive under meldinga.