Endre opplysningar for eit tingsrettsleg sameige

Du registrerer ny adresse ved å sende inn skjemaet Registrering i Einingsregisteret og Føretaksregisteret i Altinn. Du kan velje om du vil endre forretningsadresse eller postadresse.

Ønsker du at sameiget berre skal vere registrert med ei postadresse hos oss, må du hugse å fjerne gammal forretningsadresse i skjemaet.

Vil du bruke adressa til ein av sameigarane som sameiget si adresse, må du bruke c/o. adresse. Sjå eksempelet under:

Sameiet Sommerro
c/o Kari Nordmann
Utsikten 54
8908 Brønnøysund

Når sameiget har fått ny dagleg leiar eller forretningsførar, skal du sende inn dei nye opplysningane i skjemaet Registrering i Einingsregisteret og Føretaksregisteret i Altinn.

Kontaktperson skal berre registrerast når ingen andre fysiske roller finst i verksemda.

Spesielt for dagleg leiar:

Dagleg leiar må stadfeste at hen tar på seg vervet ved å signere i skjemaet.

Det er ingen krav til vedlegg, du dokumenterer val/tilsetting ved å erklære i skjemaet at:

• dagleg leiar er gyldig vald/tilsett av sameigarmøtet
• det finst ein protokoll som viser valet/tilsettinga av dagleg leiar

Brønnøysundregistera kan ta stikkprøver og krevje å få protokollen tilsendt på eit seinare tidspunkt.

Når sameiget har valt nytt styre, skal du sende inn skjemaet Registrering i Einingsregisteret og Føretaksregisteret i Altinn..

Hugs å ha etternamn og fødselsnummer på styremedlemmene og varamedlemmene tilgjengeleg før du startar.

Hugs å melde samtlege styremedlemmer og varamedlemmer i skjemaet.

Det er ikkje krav om vedlegg, du dokumenterer styrevalet ved å erklære i skjema at:

• styret er gyldig valt av sameigarmøtet eller årsmøtet
• det finst ein protokoll som viser siste valte styre og at det er i samsvar med det som er meldt

Brønnøysundregistera kan ta stikkprøver og krevje å få protokollen tilsendt, både under utfyllinga av skjemaet og på eit seinare tidspunkt.

Nyvalde styremedlemmer og varamedlemmer må stadfeste at dei tar på seg vervet ved å signere i skjemaet Registrering i Einingsregisteret og Føretaksregisteret i Altinn.

Når sameiget endrar signatur, skal du melde dette i skjemaet Registrering i Einingsregisteret og Føretaksregisteret i Altinn.

Signaturrett blir tildelt ved

• samstemmig avtale mellom sameigarane

eller

• vedtekter som er samstemmig vedtekne

Det må gå tydeleg fram av dokumentasjonen at signatur er tildelt, og om den er gitt i fellesskap eller kvar for seg.

Det er ingen krav om vedlegg, du dokumenterer signaturretten ved å erklære i skjemaet at:

• signaturrett er gyldig vedtatt av sameiget sitt årsmøte eller sameigarmøtet
• det finst ein protokoll som viser siste vedtatte signaturrett og at det er i samsvar med det som er meldt

Brønnøysundregistera kan ta stikkprøver og krevje å få protokollen tilsendt på eit seinare tidspunkt.

Alle rolleinnehavarar kan melde i frå om at dei har trekt seg frå verva sine. Når du melder dette, gir du avkall på alle rettar og pliktar som rolla di har. Du gjer dette i skjemaet Registrering i Einingsregisteret og Føretaksregisteret i Altinn. Når det er registrert at du har trekt deg, vil du og sameiget bli varsla om dette.