Salspant i køyretøy

For tinglysing av salgspant i køyretøy må du bruke godkjent blankett.

Pantedokumentet må innehalde:

• Pantsettar sitt namn og fødselsnummer/d-nummer eller organisasjonsnummer
• Panthaver (kreditor) sitt namn og fødselsnummer/d-nummer eller organisasjonsnummer. Dersom panthavar er utanlandsk person eller føretak skal namn og adresse i utlandet vere oppgitt.
• Beløpet det tas salgspant for.
• Kva motorvogn avtalen omfattar. Motorvogna blir identifisert ved at registreringsnummer blir oppgitt. Dersom avtalen gjeld fleire motorvogner, skal du oppgi kvart registreringsnummer.
• Om salgspantet gjeld seljaren sitt krav på kjøpesummen (alternativ A) eller om lånet er gitt av tredjeperson (alternativ B).
• Pantsettar si underskrift i original. Dersom blanketten går over fleire sider, skal pantsettar underskrive kvar side i avtalen.

Re-tinglysing

Panthaver (kreditor) kan be om re-tinglysing av salspantavtalen. Rettsvernstida for tinglysinga blir da forlengd med nye 20 år.

Dette gjer du ved å sende inn det originale dokumentet med påteikning om re-tinglysing.

Alternativt kan panthavar sende inn ei laus erklæring med melding om at hen ønsker å re-tinglyse rettsstiftelsen. Erklæringa må innehalde:

• dokumentnummer eller liknande, som tydeleg viser kva pant det gjeld
• stadfesting på at pantedokumentet ikkje er transportert til nokon andre

Nedkvittering

Panthavar (kreditor) kan be om nedkvittering av pantet. Dette blir gjort ved å sende inn det originale dokumentet med påteikning om nedkvitteringea.

Alternativt kan panthavar sende inn ei laus erklæring med melding om at hen ønsker å nedkvittere rettsstiftelsen. Erklæringa må innehalde:

• dokumentnummer eller liknande, som tydeleg viser kva pant det gjeld
• beløpet pantet blir nedkvittert til
• stadfesting på at pantedokumentet ikkje er transportert til nokon andre
• original underskrift

Auke

Det er ikkje mogleg å auke pantebeløpet på eit eksisterande tinglyst pant. Det må bli etablert eit nytt pant.

Prioritetsviking

Det er mogleg å vike prioritet til fordel for andre pant i same formuesgode. Prioritetsvikinga blir tinglyst som ei påteikning på rettsstiftelsen som vik prioritet. Panthavar som vik prioritet sender inn det originale dokumentet med påteikning om prioritetsvikinga.

Alternativt kan panthavar sende inn ei laus erklæring med melding om prioritetsvikinga. Erklæringa må innehalde:

• dokumentnummer eller liknande, som tydeleg viser kva pant som vik prioritet
• stadfesting på at pantet ikkje er transportert til nokon andre
• original underskrift

I begge tilfelle blir pantet det blir vike prioritet for identifisert på følgende måte:

• prioritetsviking for allereie tinglyste rettsstiftelsar
  • oppgi kva dokumentnummer det blir vike prioritet for.
• prioritetsviking for rettsstiftelsar som ikkje (enda) er tinglyst (førehandsviking)
  • oppgi panthavar sitt namn og pantekravet sin størrelse.

Transport

Pantet kan bli transportert (overført) til ny rettshavar (panthavar). Dette blir gjort ved at panthavar sender inn det originale dokumentet med påteikning om transporten.

Alternativt kan panthavar sende inn ei laus erklæring med melding om at hen transporterer rettsstiftelsen. Erklæringa må innehalde

• dokumentnummer eller liknande, som tydeleg viser kva pant som blir transportert
• stadfesting på at pantet ikkje er transportert til nokon andre
• original underskrift

I begge tilfelle må det gå tydeleg fram kven rettsstiftelsen er transportert til. Den nye rettshavaren må vere identifisert med fullt namn og fødsels- eller organisasjonsnummer. Dersom rettshavaren er utanlandsk person eller føretak, skal namn og adresse i utlandet vere oppgitt.

Salgspant blir sletta når panthavar sender inn ei melding om sletting til oss. Dette skal skje når kravet er innfridd.

Panthavar kan, for å krevje sletting, sende inn det originale dokumentet med påteikning om sletting.

Alternativt kan panthavar sende inn ei laus erklæring med melding om at hen ønsker å slette rettsstiftelsen. Erklæringa må innehalde:

• dokumentnummer eller liknande, som tydeleg viser kva pant det gjeld
• stadfesting på at pantedokumentet ikkje er transportert til nokon andre
• original underskrift

Dersom vi ikke får melding om sletting, vil salspantet slettast 20 år etter registrering, når rettsvernstida for tinglysingen er ferdig.

Vel alternativ A når du som seljar av bilen ønsker å ha eit pant i køyretøyet til du får oppgjer. Dette er mest aktuelt når du har avtalt forsinka betaling for køyretøyet.

Vel alternativ B når du korkje er kjøpar eller seljar, men ein tredjepart som skal låne bort pengar til eit bilsal og derfor ønsker pant i bilen.

Nei, ansvaret for gjelda vil fortsatt vere hos den som tok opp lån med pant i bilen, og vil ikkje overførast til den nye eigaren.

Dersom tidligare eigar ikkje betaler gjelda si, vil den som har lånt ut penger imidlertid kunne krevje bilen tilbakelevert eller seld for å dekke lånet.

Vi oppdaterer ikkje beløpet på heftet etter kvart som du betaler ned på lånet.

Lurer du på kor mykje som er igjen av lånet, kan du kontakte den som har pant i køyretøyet.

Etter at lånet er nedbetalt, vil det vanlegvis gå noko tid før pantet blir sletta.

Du må ta kontakt med banken dersom heftet ikkje blir sletta innan rimeleg tid.