Registrering i Frivilligregisteret

Krava for å kunne registrere foreininga i Frivilligregisteret

• Foreininga må vere registrert i Einingsregisteret med eit styre
• Foreininga kan ikkje ha fleirtal av styremedlemmer som er valde til rolla i kraft av offentlege verv.
• Det er berre foreiningar som ikkje er fortenestebasert som har rett til å registrere seg.
  • Foreininga kan ikkje dele ut pengar til privatpersonar
• De må legge med vedtektene for å få registrert dykk i Frivilligregisteret, men det er frivillig å registrere dei.

Dersom de vel å registrere vedtektene, må de:

• sende inn oppdaterte vedtekter til Frivilligregisteret kvar gong dei blir endra

Krav til vedtektene som skal registrerast

Vedtektene må innehalde opplysningar om foreininga sitt:

• namn
• formål
• reglar for styret og årsmøtet
• reglar for medlemmene sitt forhold til foreininga
• reglar for vedtektsendringar
• reglar for opphøyr
• informasjon om at foreininga er sjølveigande (at ingen kan disponere foreininga si formue, har krav på utdeling av overskot eller hefte for gjeld)

Eksempel på vedtekter for foreiningar (PDF)

Foreiningar kan ta på seg frivillig innsendingsplikt av rekneskapsopplysningar

Det er frivillig for dei aller fleste foreiningar som ikkje er næringsdrivande å sende inn rekneskapsopplysningar til Rekneskapsregisteret.

Vel de å ta på dykk frivillig innsendingsplikt, må de registrere dette i Frivilligregisteret. Rekneskapen må de sende til Rekneskapsregisteret kvart år.

Det er eigne krav til rekneskapsopplysningar for foreiningar. Meir informasjon om desse reglene finn du på lovdata.no, i forskrift om register for frivillig virksomhet, kap. 6.

Dersom foreininga vel innsendingsplikt for rekneskapsopplysningar, må de oppgi dato for avslutning av rekneskapsåret.

Krava for å kunne registrere stiftelsen i Frivilligregisteret

• Stiftelsen må vere registrert i Einingsregisteret med eit styre
• Styret kan ikkje ha fleirtal av personar som er valde til rolla i kraft av offentlege verv
• Ved registrering i Frivilligregisteret må de sende inn vedtektene.

Alminnelege stiftelsar:

• Det er berre alminnelege stiftelsar som ikkje føretar utdelingar, eller som utelukkande føretar utdelingar til frivillig verksemd, som har rett til å registrere seg i Frivilligregisteret.

Næringsdrivande stiftelsar:

• Det er berre næringsdrivande stiftelsar som utelukkande føretar utdelingar til frivillig verksemd som har rett til å registrere seg i Frivilligregisteret.

Dersom stiftelsen føretar utdelingar kan han ikkje dele ut pengar til privatpersonar eller aktørar som sjølv ikkje har rett til å registrere seg i Frivilligregisteret. Midlane kan ikkje brukast til privat økonomisk vinning.

Krava for å kunne registrere aksjeselskapet i Frivilligregisteret

• Det er berre aksjeselskap som berre føretar utdelingar til frivillig verksemd som har rett til å registrere seg i Frivilligregisteret
• Aksjeselskapet må vere registrert i Føretaksregisteret med eit styre
• Styret kan ikkje ha fleirtal av personar som er der i kraft av eit offentleg verv
• Fleirtalet av aksjane kan ikkje vere eigde av det offentlege
• Ved registrering i Frivilligregisteret må de sende inn vedtektene

Dersom aksjeselskapet føretar utdelingar kan det ikkje dele ut pengar til privatpersonar eller aktørar som sjølv ikkje har rett til å registrere seg i Frivilligregisteret. Midlane kan ikkje brukast til privat økonomisk vinning.

Organisasjonen skal gi opplysing om kategori eller aktivitetsområde som passar den aktiviteten organisasjonen driv.

Sjå eigen tabell med tilgjengelege kategoriar.

Det er valfritt å registrere kontonummer, men dersom de skal vere med i grasrotandelen må de registrere kontonummeret til verksemda i Frivilligregisteret.

Når verksemda di søker om å bli registrert i Frivilligregisteret, kan de også søke om å ta del i grasrotandelen, om vilkåra for deltaking i forskrift for grasrotandelen er oppfylte.

Her kan du lese meir om grasrotandelen.

Berre sentralledd i frivillige organisasjonar med fleire regionalledd og/eller lokalledd skal melde tilknytingar til Frivilligregisteret. Det vil seie at ein frivillig organisasjon, som er sentralledd i organisasjonen, skal registrere dei organisatoriske forbindelsane den har til andre lokalledd og regionalledd i organisasjonen sin.

Rettleiing til korleis du melder tilknytingar i Frivilligregisteret.