Om Partiregisteret
Sist oppdatert: 21. oktober 2025.
Partiregisteret er eit register over politiske parti som ønsker vern av partinamnet, i første rekke dei landsomfattande partia.
Registrering i registeret gir også enklare formkrav ved partiet sitt listeforslag og for godkjenning av valsetlar.
Hovudoppgåve
Partiregisteret er eit register over politiske parti i Noreg. Hovudformålet er å gi partiet moglegheit til å skaffe seg einerett til å stille liste under partinamnet.
Registeret kontrollerer at det ikkje blir registrert nye partinamn som kan forvekslast med partinamn som allereie er registrert i Partiregisteret. I tillegg må ikkje nye partinamn bli forveksla med ideologiske omgrep andre parti historisk og tradisjonelt er blitt knytt til. Nye partinamn skal heller ikkje kunne forvekslast med namn på samepolitiske verksemder. Spørsmål om samepolitiske verksemder kan rettast til Sametinget.
Kva kan registrerast?
Alle parti som oppfyller vilkåra for registrering kan registere seg i Partiregisteret. Her kan du lese meir om registrering, vedleggskrav og kva partinamn som er verna.
Verknaden av registreringa sluttar og partinamnet blir fritt når partiet ikkje har stilt liste i noko valdistrikt ved to påfølgande stortingsval.
Partiregisteret inneheld opplysningar om partiet sitt utøvande organ, som etter vallova skal representere partiet ovanfor valmyndigheitene. I tillegg inneheld Partiregisteret opplysningar om partiet sitt namn, organisasjonsnummer, adresse og kontaktperson som er registrert i Einingsregisteret.
Kva blir informasjonen brukt til?
Registreringen i Partiregisteret gir grunnlag for kven som kan representere partiet ovanfor valmyndigheitene. At eit parti er registrert i Partiregisteret har også verkand for kva reglar som gjeld i samband med partiet sitt listeforslag og for godkjenning av valsetlar. På lovdata sine sider kan du lese meir om krav til og behandling av listeforslag.
Kven er brukarane av registeret?
Ved førebuing av val legg myndigheitene til grunn dei opplysningane som er registrert i Partiregisteret (etter at klagefristen er passert) per 31. mars i valåret.
Historia bak etableringa
Under den tidligare vallova var det etablert ei ordning med registrering av politiske parti, der oppgåva var lagt til Oslo byfutembete som notarius publicus. Regelverket om registrering av politiske parti fanst i daverande vallov frå 1985.
I samband med ny vallov som trådde i kraft 1.9.2002 blei det gjort ein del endringar i ordninga med registrering av politiske parti. Blant anna blei det bestemt at det sentrale Partiregisteret skulle førast av Brønnøysundregistera. Vi tok over føringa av Partiregisteret 01.09.2002.