Forseinkingsgebyr

Det er verksemda som i første omgang har ansvar for å betale gebyret. Dersom verksemda ikkje betaler, er du som medlem i styret, deltakar eller i nokre tilfelle dagleg leiar, solidarisk ansvarleg for å betale gebyret personleg. Solidarisk ansvar betyr at fleire har ansvaret for å betale det same kravet, og at alle er ansvarlege for heile kravet til det er betalt. Ansvaret gjeld også etter at det er opna konkurs i verksemda.

Forseinkingsgebyret kan bli 69 940 kroner.

De kan søke om ettergiving av forseinkingsgebyret, men det er strenge retningsliner for å få det ettergitt.

Det er Innkrevjingsmyndigheita i Skatteetaten som krev inn forseinkingsgebyret. Alle spørsmål om faktura og betaling må rettast til dei.