Roller i tingsrettsleg sameige

Eit tingsrettsleg sameige må føre opp ein person i rolla som dagleg leiar eller forretningsførar dersom dei ikkje har styre. Sameiget kan berre få registrert ei av desse rollene.

Kontaktperson skal berre registrerast dersom ingen andre fysiske roller finst i verksemda.

Spesielt for dagleg leiar:

• protokoll som viser avgjerd om at dagleg leiar er tilsett, dersom ikkje heile styret har signert i skjemaet.
• erklæring frå dagleg leiar om at hen tar på seg vervet

Eit tingsrettsleg sameige kan velje å ha eit styre. Det er sameigarmøtet eller årsmøtet som normalt sett vel styret.

Det må gå fram av vedtekter/avtale at sameiget skal ha eit styre, korleis dette skal veljast og kva fullmakt styret skal ha.

Det må gå fram av vedtekter/avtale at sameiget skal ha eit styre, korleis dette skal veljast og kva myndigheit styret skal ha.

Det er berre rollene

• styreleiar
• styremedlem
• varamedlem

som kan registrerast. Er medlemmer av styret valde til rollar som ikkje kan registrerast i Brønnøysundregistera, eksempelvis nestleiar, kasserar, økonomiansvarlag og sekretær, må desse personane meldast som styremedlem.

Det er ingen krav om vedlegg, du dokumenterer styrevalet ved å erklære i skjemaet at:

• styret er gyldig valt av sameigarmøtet eller anna kompetent organ
• det finst ein protokoll som viser siste valte styre og at det er i samsvar med det som er meldt

Brønnøysundregistera kan ta stikkprøver og krevje å få protokollen tilsendt, både under utfyllinga av skjemaet og på eit seinare tidspunkt.

Styreleiar, styremedlemmer og varamedlemmer må stadfeste at dei tar på seg vervet ved å signere i skjemaet.

Signatur i eit tingsrettsleg sameige kan bli tildelt ved samrøystes avtale mellom sameigarane, eller i vedtektene.