Revisjonsplikt for aksjeselskap
Sist oppdatert: 9. juli 2026.
Hovudregelen er at alle aksjeselskap har revisjonsplikt og må ha registrert ein godkjent revisor i selskapet.
Størrelsen på terskelverdiane driftsinntekt, balansesum og antal årsverk er med på å avgjere om aksjeselskapet har revisjonsplikt eller ikkje. Når selskapet har:
- driftsinntekt på 7 millionar kroner eller meir, eller
- balansesum på 27 millionar kroner eller meir, eller
- antal tilsette utgjer meir enn 10 årsverk
har det revisjonsplikt.
- det driv med apotek- eller advokatverksemd
- det er godkjent som medhjelpar etter pengespelforskrifta
- det er morselskap i konsern og konsernet i sin heilskap har
- driftsinntekt som er 7 millionar kroner eller meir, eller
- balansesum på kroner 27 millionar eller meir, eller
- fleire enn 10 årsverk
- det er under tilsyn av Finanstilsynet
- det er pålagd revisjon av skatte- eller avgiftsmyndigheitene
Når selskapet har revisjonsplikt, betyr det at årsrekneskapen skal reviderast av revisor før han blir behandla av generalforsamlinga og send til Rekneskapsregisteret.
Fråval av revisjon
Når årsrekneskapener godkjent og han viser at selskapet ikkje lenger har revisjonsplikt, kan generalforsamlinga vedta fråval av revisjon.
Aksjeselskapet kan få revisjonsplikt igjen
Dersom eitt av vilkåra for fråval av revisjon ikkje lengre er oppfylt, får aksjeselskapet revisjonsplikt igjen. Da må styret straks kalle inn til generalforsamling, som må velje revisor. Etterpå må selskapet umiddelbart sende inn endringa i Samordna registermelding i altinn.no.
Revisoren må vere statsautorisert og godkjent av Finanstilsynet.
Meldinga må innehalde:
- protokoll frå generalforsamlinga
- revisor si stadfesting på at hen tar oppdraget
Når selskapet får revisjonsplikt igjen, må neste årsrekneskap reviderast av revisor, jf. aksjelova § 7-6 tredje ledd.
Eksempel:
Selskapet får revisjonsplikt og melder revisor i 2025. Da må årsrekneskapen for rekneskapsåret 2025, som skal sendast inn i 2026, vere revidert av revisor.