Undereining

Hovudeininger er eit samlebegrep for selskap, foreiningar, personar og anna som er registrert i Einingsregisteret, og som ikkje er ei undereining.

Hovudeining er verksemd på øvste nivå i registreringsstrukturen i Einingsregisteret.

Ei undereining identifiserer den aktiviteten hovudeininga driv. Ei hovudeining kan ha ei eller fleire undereiningar. Undereiningane er ikkje sjølvstendige. Dei vil alltid vere knytte opp mot ei hovudeining.

Undereining er verksemd på lågaste nivå i registreringsstrukturen i Einingsregisteret.

Det er Statistisk sentralbyrå som avgjer kva undereiningar som skal registrerast, og klassifisering av dei. Registrering og klassifisering skjer etter standard som følger internasjonale statistikknormer.

Ei hovudeining kan ikkje nekte eller krevje slik registrering.

Det skal registrerast fleire undereiningar dersom eitt av følgande vilkår er oppfylt:

• Det blir drive næringsaktivitet i forskjellige bransjar. Kvar bransje må sysselsette minst fem personar

• Det blir drive næringsaktivitet med tilsette på fleire geografiske stader. Det må vere minst ein tilsett på kvar geografiske stad.

Forskjellige bransjar
Med forskjellige bransjar betyr det at aktivitetane fell inn under forskjellige næringskodar etter Standard for næringsgruppering (SN2007)

Aktivitetar som blir utførte berre for å betene dei primære aktivitetane til hovudeininga, skal ikkje registrerast som ei eiga undereining. Eksempel på dette kan vere administrasjon, IT-avdeling og sal av eigenproduserte varer. Slike aktivitetar blir berre registrerte som eige undereining dersom dei går føre seg på ein annan geografisk stad enn der den primære aktiviteten til hovudeininga er.

Fleire geografiske stader
Det blir drive aktivitet på fleire geografiske stader når undereiningane er lokaliserte på ulike adresser. Det er ikkje nok å føre opp ulike postadresser for  å få registrert ei undereining.

For ambulerande aktivitet blir berre fast bemanna avdelingskontor og liknande registrerte. Eksempel på dette er bygg- og anleggsarbeid, transport og utleige av arbeidskraft, vikarbyrå.

Offentleg forvaltning
Dei generelle reglane som er gjort greie for ovanfor gjeld også for offentleg forvaltning. Detaljert regelverk for registrering av undereiningar i kommunar, fylkeskommunar og helseføretak finn du på www.ssb.no under Innrapportering, Kostra, Veiledning

Om du skal registrere fleire undereiningar fyller du ut Samordna registermelding, skjema for undereiningar – aktivitet på fleire adresser. Last opp vedlegget til Samordna registermelding i Altinn (kryss av for at føretaket skal registrere ein eller fleire nye undereiningar)

Ei undereining kan bli overteken eller overdratt frå ei hovudeining til ei anna. I slike tilfelle vil undereininga behalde organisasjonsnummeret sitt.

For at ei undereining skal reknast som overteken eller overdratt, må følgande vilkår vere oppfylt:

• Den same aktiviteten held fram, men med ei anna hovudeining som ny eigar av undereininga

• Aktiviteten held fram i den same kommunen som tidlegare

• Dei nødvendige aktiva som inngår i aktiviteten må som regel blir overførte under eitt. Eksempel på dette er råvarer, produksjonsutstyr, varelager, kontraktar og tilsette.

Overdraging av ei undereining registrerer du i skjemaet Samordna registermelding i Altinn. Dersom du skal overdra fleire undereiningar må du også fylle ut papirskjemaet skjema for undereiningar – aktivitet på fleire adresser. Skjemaet lastar du opp som vedlegg til Samordna registermelding.

Vedleggskrav

Når du melder overdraging i Samordna registermelding får du eit vedleggskrav om stadfesting frå overtakar. Denne stadfestinga skal vere underskriven av overtakar og dokumentere at overdraginga er korrekt. Vedleggskravet kjem først opp når du har fylt ut og kontrollert meldinga.

Innboksen i Altinn

Hugs å rydde i innboksen til undereininga i Altinn før overdraginga. Sensitiv informasjon, som for eksempel sjukemeldingar, du bør lagre i eit eige saks-/arkivsystem før overdraginga blir registrert. Da unngår du at overtakar får tilgang til sensitiv informasjon som ligg i innboksen til undereininga.

Overtaking av ei undereining registrerer du i skjemaet Samordna registermelding i Altinn. Dersom du skal overta fleire undereiningar må du også fylle ut papirskjemaet skjema for undereiningar – aktivitet på fleire adresser. Skjemaet lastar du opp som vedlegg til Samordna registermelding.

Vedleggskrav

Når du melder overtaking i Samordna registermelding, får du vedleggskrav om stadfesting frå overdragar. Denne stadfestinga skal vere underskriven av overdragar og dokumentere at overtakinga er korrekt. Vedleggskravet kjem først opp når du har fylt ut og kontrollert meldinga.

Om du skal legge ned aktiviteten, kan du melde sletting av undereininga i Samordna registermelding i Altinn. Dersom hovoudeininga har fleire undereiningar og skal legge ned ein eller fleire, må du fylle ut papirskjemaet Samordna registermelding, skjema for undereiningar – aktivitet på fleire adresser.

Du kan ikkje slette undereininga til eit enkeltpersonføretak

Eit enkeltpersonføretak driv alltid med næringsaktivitet, så dersom næringsaktiviteten i enkeltpersonforetaket er opphøyd, må du melde sletting av sjølve føretaket.

Einingsregisteret inneheld opplysning om tal på tilsette for alle arbeidsgivarar som er registrerte i Einingsregisteret. Tal på tilsette er aktive arbeidsforhold registrerte i NAV sitt Aa-register. Alle arbeidsgivarar skal rapportere arbeidsforholda kvar månad i a-meldinga.

Verksemder som har tilsette skal ha minst ei undereining. Undereiningane er identifisert med eit eige organisasjonsnummer som er tilknytt hovedeininga. Tal på tilsette er knytt til ei undereining og omfattar tal på unike personar som jobbar i verksemda. Om ein person har fleire arbeidsforhold knytt til den same verksemda, blir personen telt berre ein gong.

Opplysninga om tal på tilsette er blant anna tilgjengeleg i tenesta Verksemdopplysningar. Du kan velje om du vil sjå talet på tilsette knytt til ei undereining eller totalt tal på tilsette på hovudeininga.