Arrest

Arrest er ei avgjerd av tingretten om midlertidig sikring av eit pengekrav, og inneber at skyldnaren mister retten til å råde over «det arresterte formuesgodet». Formålet er å sikre eit framtidig oppgjer av pengekravet, og kan bli vedtatt når skyldnaren si åtferd gir grunn til å frykte for at tvangsinndriving av kravet elles enten vil bli forspilt eller vesentleg vanskeleggjort, eller må skje utanfor landegrensene.

Arrest kan bli tatt i alle formuesgode som det kan bli tatt utleggspant i, for eksempel køyretøy, bankkonto eller anna av verdi.

Når det blir tatt arrest i lausøyre som ikkje kan bli registrert i eit realregister, skal arresten tinglysast i Lausøyreregisteret. Arresten blir tinglyst på skyldnaren sitt fødselsnummer eller organisasjonsnummer for å få rettsvern, og informasjonen er offentleg tilgjengeleg ved oppslag i søketenesta vår.

Tingretten sørger for at arresten blir registrert i Lausøyreregisteret. Vi må få følgande opplysninger:

• kva domstol som har vedtatt arresten
• tidspunkt for domstolen si avgjerd
• prosessfullmektige sitt organisasjonsnummer, fødselsnummer/d-nummer eller namn og adresse
• saksøkte sitt namn og fødselsnummer/d-nummer eller organisasjonsnummer
• saksøkar sitt namn og fødselsnummer/d-nummer eller organisasjonsnummer. Dersom saksøkar er utanlandsk person eller føretak, skal namn og adresse i utlandet vere oppgitt
• beløpet det blir tatt arrest for
• formuesgode det blir tatt arrest i
• namsmyndigheiten si underskrift i original, enten på sjølve vedtaket eller på oversendingsbrevet

Prosessfullmektig kan be om re-tinglysing av arresten. Rettsvernstida for tinglysinga blir da forlengd med nye 2 år.

Dette blir gjort ved å sende inn ei laus erklæring med melding om at rettsstiftelsen skal re-tinglysast. Erklæringa må innehalde dokumentnummer eller liknande, som tydeleg viser kva arrest det gjeld.

Arresten blir sletta når saksøkar eller prosessfullmektig sender inn melding om sletting til oss. Dette kan for eksempel skje dersom arresten blir oppheva ved orskurd eller på anna vis fell bort.

Dersom vi ikkje får melding om sletting, vil arresten bli sletta 2 år etter registrering, når rettsvernstida for tinglysinga er over.

Det er domstolen som avgjer at det skal bli tatt arrest, og namsmyndigheita sender dette til tinglysing i Lausøyreregisteret.

Dersom du er ueinig i at det er tatt arrest i eigedelane dine, må du ta kontakt med namsmyndigheita som har gjennomført arresten. Det same gjeld dersom du meiner det er tatt arrest i eigedelar du ikkje er eigar av.

Dersom det er registrert ein arrest på deg eller verksemda di, som du meiner skulle vore sletta, må du ta kontakt med prosessfullmektig i saka, og be dei sende inn ei slettemelding til oss.

Når vi får slettemelding frå prosessfullmektig, blir arresten normalt sletta same dag.

Kven som er saksøkar eller prosessfullmektig finn du ved å logge deg inn på Mi side på brreg.no.

Når ein arrest blir sletta i Lausøyreregisteret, skal han også bli sletta hos kredittopplysningsverksemdene. Dersom arresten er sletta i Lausøyreregisteret, men framleis blir brukt som ei opplysning hos kredittopplysningsverksemdene, må du ta kontakt med dei aktuelle kredittopplysningsverksemdene og be dei slette opplysningane dei har registrert hos seg.

Kva som er registrert i Lausøyreregisteret på deg, kan du finne ut av ved å logge inn på Mi side på brreg.no.

Hen kan skrive at arresten skal slettast på registerutskrifta som hen fekk frå oss da arresten blei tinglyst.

Har ikkje hen registerutskrifta, kan hen skrive eit brev. Brevet må innehalde tilstrekkeleg informasjon til at vi kan identifisere kva sak det gjeld, som:

• dokumentnummer
• skyldnar sitt fødselsnummer eller organisasjonsnummer
• registreringsnummer, dersom det er tatt arrest i køyretøy.

Slettemeldinga må være originalt underskriven, og sendast til:

Brønnøysundregistera
Lausøyreregisteret
Postboks 905
8910 Brønnøysund