Slik melder du tilknytingar til Frivilligregisteret
Sist oppdatert: 16. oktober 2025.
Det er berre sentralleddet i frivillige organisasjonar med lokalledd og ev. regionalledd, som skal melde tilknytingar til Frivilligregisteret.
Overordna krav
- Når du skal registrere «tilknyting til ei gruppe einingar», må alle organisasjonane det gjeld ha eit organisasjonsnummer og vere registrerte i Frivilligregisteret. Du finn informasjon om kva organisasjonar som er registrerte i Frivilligregisteret i søkeløysinga vår verksemdopplysningar.
- Innmelding av «tilknytingar til ei gruppe einingar» må du melde inn på eit rekneark (Open Document Format ODF eller Excel-format)
- Filnamnet skal vere organisasjonsnummeret for sentralleddet, og år, månad og dato:
- For eksempel: 980123456_20250530.xls. Bruk dato for når du sender fila til Frivilligregisteret.
- Reknearket må innehalde organisasjonsnummer i: kolonne A, B og D. Om de legg til namn i kolonne C og E for regionalledda og lokalledda er valfritt.
- Det kan ikkje vere mellomrom i organisasjonsnummera (berre ni siffer utan mellomrom).
-
Kolonne A: organisasjonsnummeret til sentralleddet
- ni siffer i organisasjonsnummer – tom verdi i feltet er ikkje tillat.
-
Kolonne B: organisasjonsnummeret til regionalleddet
- ni siffer i organisasjonsnummer – tom verdi i feltet er tillat dersom regionalledd ikkje finst for lokalleddet.
-
Kolonne C: Namn på regionalledd (valfritt)
-
Kolonne D: organisasjonsnummeret til lokalleddet
- ni siffer i organisasjonsnummer – tom verdi i feltet er ikkje tillat
-
Kolonne E: Namn på lokalledd (valfritt)
Det må alltid vere eitt sentralledd og minimum eitt lokalledd i gruppa. Kvar rad utgjer èi tilknyting.
- Kvar rad i tabellen må alltid innehalde organisasjonsnummer for sentralledd og lokalledd, og organisasjonsnummer for regionalledd dersom regionalledd fins
- Eit lokalledd kan knyttast direkte til eit sentralledd (dersom regionalledd ikkje finst)
- Same organisasjon (organisasjonsnummer) kan ikkje eksistere på forskjellige nivå
- Eit regionalledd kan ikkje vere tilknytt to ulike sentralledd
- Eit lokalledd kan du berre oppgi èin gong
Innmeldinga skjer ved at alle tilknytingar må bli melde kvar gong. Dette betyr at sentralleddet alltid må ha èi oppdatert fil med alle tilknytingar, som er ajourført. Heile filen må lastast opp ved innsending av melding om tilknytingar.
Mal for å melde tilknytingar
Last ned mal for å melde tilknytingar (xlsx). Filen med tilknytninger lastar du opp som vedlegg til skjema for registrering Frivilligregisteret i Altinn.