Reelle rettshavarar i allmennaksjeselskap, sparebankar og europeiske selskap

Dersom verksemda er registrert på Euronext Oslo Børs og Euronext Expand, skal verksemda berre registrere i kva av marknadane ho er registrert.

Dersom verksemda er notert på ein regulert marknad i eit anna land med tilsvarande internasjonale standardar som sikrar tilstrekkeleg innsyn i opplysningar om eigarforhold, ber vi deg ta kontakt med oss i kontaktskjemaet vårt.

Dersom ei registreringspliktig verksemd er eigd av eit børsnotert selskap, må verksemda registrere opplysningar på vanleg måte. Da skal den registreringspliktige følge vanleg rutine for vurdering og registrering av reelle rettshavarar, sidan det berre er det børsnoterte selskapet som har anna registrering.

Ein reell rettshavar er ein norsk eller utanlandsk person som oppfyller eit eller fleire av kriteria:

• eig meir enn 25 % av verksemda

• kontrollerer meir enn 25 % av stemmerettane i verksemda

• har rett til å peike ut eller avsette over halvparten av styremedlemmene i verksemda

  Eksempel: Enkelte kan ifølge avtale eller vedtekter gi rett til å velje eit gitt antal av selskapet sine styremedlemmer.

• innflytelse/kontroll på annan måte

  Eksempel: avgjerds- eller vetorettar, eller situasjonar der personen si anbefaling konsekvent blir følgd av selskapet sine eigarar.

Personen er reell rettshavar på direkte grunnlag, indirekte grunnlag eller gjennom einigheit/avtale.

Når det ikkje er ei verksemd mellom personen og den registreringspliktige verksemda, er hen reell rettshavar på direkte grunnlag.

Eksempel:

Når ein person kontrollerer ein tilstrekkeleg andel av ei verksemd (for eksempel eit holdingselskap) som igjen har tilstrekkeleg kontroll i den registreringspliktige verksemda, er hen reell rettighetshaver på indirekte grunnlag.

For å vere reell rettshavar må ein person indirekte kontrollere meir enn 25 % i første nivå, deretter ha direkte/indirekte kontroll på 50 % eller meir i påfølgande nivå.

På første nivå gjeld følgande reglar:

• eigarskap over 25 %
• stemmerett over 25 %
• rett til å peike ut eller avsette over halvparten av styret
• innflytelse/kontroll på annan måte

På alle andre nivå under gjeld berre:

• stemmerett 50 % eller meir
• rett til å peike ut eller avsette halvparten eller meir av styret

Verksemder som ligg mellom den registreringspliktige verksemda og reelle rettshavarar blir kalla mellomliggande verksemder.

Alle mellomliggande verksemder mellom den registreringspliktige verksemda og den reelle rettshavaren må registrerast.

Ein person kan vere reell rettshavar på indirekte grunnlag på tre ulike måtar:

• via mellomliggande verksemd
• via mellomliggande verksemder på fleire nivå
• via samanslåing av rettar

Dei fleste finn dei reelle rettshavarane i eigne dokument som stiftelsesdokument og vedtekter, aksjeeigarbok og aksjonæravtalar. Stort sett vil det vere tilstrekkeleg informasjon der for å dokumentere kven som er reelle rettshavarar.

Det er styret som har ansvar for å oppbevare opplysningar om kven som er verksemda sine reelle rettshavarar.

• fullt namn
• fødsels- eller d-nummer
  Dersom ein reell rettshavar ikkje har fødselsnummer eller d-nummer, legg du inn fødselsdatoen.
• bustadland
• alle statsborgarskap
• organisasjonsnummeret – der grunnlaget er indirekte

For dei med fødsels-/d-nummer blir fleire av dei personlege opplysningane henta frå Folkeregisteret. For desse personane skal du bare legge inn fødsels-/d-nummer og etternamn.

Du må også legge inn om personen er reell rettshavar på grunn av eigarskap, stemmerett eller rett til å peike ut eller avsette styremedlemmer, eller kontroll/innflytelse på annan måte. Om kontrollen er direkte, indirekte eller gjennom avtalar skal også registrerast.