Kapittel 4: Styring og kontroll av verksemda

Denne sida er eit kort samandrag av kapittel 4. For å lese heile kapittelet, les årsrapporten i sin heilskap her.

Vi har eit heilskapleg perspektiv på verksemdstyring, der ulike prosessar blir sett i samanheng, og vi følger ein eigen instruks for styring. Gjennom etablerte prosessar året rundt sikrar vi at overordna mål blir nådd og føringar følgde.

Vi bruker mål- og resultatstyring som grunnleggande prinsipp. Tildelingsbrev, oppdragsbrev og strategi gir eit godt grunnlag for prioriteringar, samtidig som vi etterlever staten sitt reglement og reglar for økonomistyring

Vi har hatt eit godt samarbeid med departementet vårt. Forutan etatsstyringsmøte, har vi også fagmøte innan fleire felt. Vi har følgt opp områda vi har vore einige om å forbetre. Tilsyn og revisjonar, både eksterne og interne, blir følgt opp med nødvendige tiltak. Internkontroll- og internrevisjonsrapportar gir god innsikt og grunnlag for læring og forbetring. I 2025 blei to eksterne tilsyn avslutta: Riksrevisjonen sitt tilsyn med informasjonssikkerheit og BRsys og Arkivverket sitt tilsyn.

Verksemdsplanen er utarbeidd og følgt opp gjennom året. Økonomien blir overvakt i tråd med det vedtatte budsjettet og mål for innsparingar, med planlagte budsjettrevisjonar og løpande rapportering. Porteføljestyringa sikrar god oppfølging av prosjekt og produktområde. Vi bruker risikovurderingar aktivt for å identifisere og handtere risikoar som kan påverke måloppnåinga og for å sikre informerte prioriteringar.

Vi jobbar kontinuerleg med å forbetre prosessane våre, basert på lover og forskrifter, overordna føringar, praksisdeling, eigne vurderingar og ambisjonsnivået vårt. Vi har god styring og kontroll.