Kapittel 3: Årets aktivitetar og resultat

Denne sida er eit kort samandrag av kapittel 3. For å lese heile kapitlet, les årsrapporten i sin heilskap her.

I 2025 har vi prioritert oppgåver i tråd med overordna mål og føringar fastsett i tildelingsbrevet og verksemda sin strategiske plan. Dei høgst prioriterte tiltaka har vore:

• prosjekta BRsys og Brukarvennlege registertenester

• auka registerkvalitet gjennom å førebygge økonomisk kriminalitet og arbeidslivskriminalitet

• informasjonssikkerheit, inkludert cybersikkerhet

Vi har levert resultat i tråd med hovudmåla, samtidig som verksemda har handtert omfattande lovendringar, moderniseringsprosjekt og ein framleis stram ressurssituasjon. Prioriteringane gjennom året har vore tydeleg retta mot sikker drift, saksbehandling, auka registerkvalitet og digitalisering og vidareutvikling av tilbodet til brukarane våre.

Vi har styrka drift- og forvaltningskapasiteten, blant anna innan IT. Samtidig har andelen interne ressursar brukt på prosjekt gått ned som følge av redusert aktivitet i BRsys og arbeid med endringar knytte til ny einingsregisterlov og føretaksregisterlov. Konsulentbruken er redusert med 28 %, noko som har samanheng med redusert aktivitet i prosjekta. Vidareføringa av omstillingsarbeidet har gitt nødvendige økonomiske innsparingar, men også påvirka kapasiteten innan område som bedriftsrettleiing og saksbehandling.

Resultata viser høg måloppnåing innan informasjonssikkerheit og tilgjengelegheit i registera våre, og brukarundersøkingane viser høg opplevd kvalitet. Oppetida for registera er framleis svært høg (99,97 %), og det blei i 2025 ikkje registrert nokon kritiske sikkerheitshendingar. Arbeidet med sikkerheitskultur blei styrka gjennom e-læring og phishing-simuleringar, og mogenskapsnivået innan cybersikkerheit og sikkerheitsstyring fortsett å auke. Resultata for bruk av dataa våre og automatisering viser ei positiv utvikling, sjølv om nokre av delmåla ikkje er fullt ut nådd, særleg knytte til digital innrapportering for enkelte register og automatiseringsgrad i Føretaksregisteret.

Innan digitalisering og modernisering er viktige milepælar nådd. BRsys leverte i mai eit nytt Frivilligregister. Dette er eit av årets største enkeltløft, som for første gong kombinerte ny innrapporteringsløysing, nytt saksbehandlingssystem og ny tilgjengeleggjering.

Det blei også introdusert ein ny saksbehandlingsautomat (automat 2.0), som legg til rette for meir gjenbruk i utviklinga framover. Saman med BVR-prosjektet har dette lagt grunnlag for betre innrapportering, meir effektiv saksbehandling og meir tilgjengeleg informasjon. Sjølv om forsinkingar og omprioriteringar har påverka fremdrifta, er den tekniske og funksjonelle kvaliteten høg og gevinstrealiseringa vil i større grad bli synleggjort.

Samtidig har nokre mål ikkje blitt innfridde, blant anna innan automatisert saksbehandling og digital innrapportering for enkelte register. Dette skuldast blant anna at fleire planlagte tiltak måtte nedprioriterast som følge av lovførebuingar og avgrensa kapasitet. Saksbehandlingstida i Einingsregisteret gjekk over planlagt mål, fordi innkomsten av saker blei betydeleg høgare enn forventa.