Rettleiing for registrering av stønadsordning gruppeunntatt stønad

Oppgi dei artiklane i gruppeunntaksforordninga som stønadsordninga dekker. Hugs å sjekke at artiklane som blir lagde inn finst på gruppeunntaksmeldinga som blir lagd inn under ESA-grunnlag.

EFTA sitt overvakingsorgan (ESA) publiserer mottatte gruppeunntaksmeldingar på nettsidene sine. Her finn du informasjon om gruppeunntaks-ID til gruppeunntaksmeldinga, meldingsdato og lenke til pdf-versjon av gruppeunntaksmeldinga.

Eksempel:

Investment aid and operating aid to SK Vard Haugesund som er registrert med stønadstiltaksnummer: 1000028587 – Investeringsstøtte og driftsstøtte til SK Vard Haugesund.

Gruppeunntaks-ID: GBER 54/2025/SPORT

Meldingsdato: 02. oktober 2025

Nettadresse til gruppeunntaksmelding: https://www.eftasurv.int/cms/sites/default/files/documents/gopro/GBER%2054.2025.SPORT.pdf

Vel type stønadsordning (ordinær eller ad hoc). Ei stønadsordning er eit rammeverk for utdeling av fleire enkelttildelingar av stønad. Støttetildelinga kan også bli gitt utan grunnlag i ei etablert stønadsordning, som individuell stønad. Dette er ei enkelttildeling utanfor stønadsordning, såkalla ad hoc stønad.

I nokre tilfelle er det eit departement som er oppgitt overfor ESA som stønadsgivar i notifikasjonsvedtaket, mens det er ein etat som utøver stønadsgivarfunksjonen. I slike tilfelle kan du angi ansvarleg departement ved å legge inn organisasjonsnummeret til departementet. Bruk verksemdsopplysningar for å finne organisasjonsnummeret.

Vel kva stønadsinstrument som kan bli brukt ved tildeling etter stønadsordninga. Lista omfattar følgande stønadsinstrument:

• Anna
• Eigenkapitalinvestering
• Forskot
• Garanti
• Lån
• Rentesubsidiar
• Risikofinansiering
• Skatte- eller avgiftsfordel
• Skatte- eller avgiftsfritak
• Tilskot

Gruppeunntaksforordninga opnar for å differensiere stønadstildeling basert på stønadsmottakar sin størrelse. For eksempel at det berre er små og mellomstore føretak som blir omfatta, eller at dei har høgare stønadsintensitet eller høgare maksimalt stønadsbeløp enn store føretak. Dersom stønadsordninga er innretta slik at tildeling av stønad er basert på stønadsmottakar sin størrelse ut frå dei størrelseskritera som er angitt i SMB definisjonen i vedlegg 1 til gruppeunntaksforordninga, må du oppgi kva gruppe(er) av stønadsmottakar som blir omfatta.

Ved avgjerda må stønadsgivar vurdere om stønadsmottakar er å rekne som ei uavhengig verksemd (der ein berre ser på stønadsmottakar aleine), eller om han også har partnererksemder og/eller tilknytte verksemder som skal bli tatt med i berekningsgrunnlaget for berekninga av størrelsen på stønadsmottakar.

Dersom stønadsordninga har eit statsstønadsrettsleg grunnlag der det opnast for å differensiere stønaden basert på stønadsmottakar sin størrelse og stønadsordninga er innretta på dette i praksis (dvs. at ein bruker dei kriteria som er angitt i aktuell definisjon ved stønadstildeling), så vil du måtte ta ei vurdering av om stønadsmottakar sin størrelse ved tildeling. Og da skal du også angi størrelse på stønadsmottakar ved innrapportering av stønadstildeling til Stønadsregisteret.

Innovasjon Noreg har ein ganske grundig gjennomgang av dette på nettsida si. Sjå punkt 6 i rettleiinga.

Region blir registrert på fylkesnivå. Her kan du velje mellom å angi spesifikke regionar, også utgåtte. Eller «Alle regionar utanom Svalbard» dersom stønadsordninga er landsdekkande. Alle nåverande og utgåtte regionar vil da vere tilgjengelege ved rapportering av stønadstildeling.

Angi kva næringssektorar som blir dekte av stønadsordninga. Vel alle næringar eller spesifikke næringar. Oversikta er basert på nivå 3 for Standard for næringsgruppering (SN) frå 2007 som er bygd på NACE Rev. 2.