Registreringsplikt i Føretaksregisteret for næringsdrivande foreiningar
Sist oppdatert: 23. desember 2025.
Det er berre næringsdrivande foreiningar som skal registrere seg i Foretaksregisteret.
Når blir foreiningar rekna som næringsdrivande?
Foreininga blir rekna som næringsdrivande når ho faktisk driv næringsverksemd.
Sjølv om aktiviteten er stor og varer over tid, er det ikkje næring dersom aktiviteten ikkje kan gi overskot. Dette vil gjelde mange idrettslag eller hobbyklubbar.
Dersom foreininga har skatteplikt eller plikt til å registrere seg i Meirverdiavgiftsregisteret (MVA-registeret), er foreininga næringsdrivande og skal registrerast i Føretaksregisteret. Meir om reglane finn du på skatteetaten.no.
Fire kriterium som kan hjelpe i vurderinga av om de driv næringsverksemd
- det treng ikkje å vere eit mål å tene pengar
- han treng ikkje faktisk å gi overskot
- det held at aktiviteten objektivt sett kan gi økonomisk overskot
- utleige eller sal av eigedom eller lokale kan vere næringsverksemd dersom omfanget er stort nok
- passiv kapitalforvaltning blir vanlegvis ikkje rekna som næringsverksemd
Små, sporadiske aktivitetar blir ikkje rekna som næringsverksemd.
Enkeltståande arrangement, for eksempel ein festival, blir vanlegvis ikkje rekna som næring.
Foreininga må stå økonomisk ansvarleg for aktiviteten.