Finansføretak
Sist oppdatert: 2. januar 2026.
Fleire organisasjonsformer kan vere finansføretak. Eit finansføretak må ha konsesjon frå Finanstilsynet for å drive som finansføretak.
Eit finansføretak er eit føretak som driv som bank, kredittføretak, finansieringsføretak, forsikringsføretak, pensjonsføretak, holdingføretak i finanskonsern og betalingsføretak eller e-pengeføretak.
Bankar må vere ASA eller sparebank. Bank som skal vere dotterføretak i finanskonsern kan vere AS.
Forsikringsføretak må som hovudregel vere ASA eller gjensidig forsikringsselskap.
Forsikringsføretak som skal vere dotterføretak i finanskonsern kan vere AS.
Pensjonskasse skal vere pensjonskasse.
Innskotspensjonsføretak skal vere ASA eller AS.
Kredittføretak og finansieringsføretak må som hovudregel vere ASA, AS eller samvirkeføretak. Unntak frå dett e krev samtykke frå departementet.
Betalingsføretak og e-pengeføretak kan vere ASA eller AS.
Holdingføretak i finanskonsern kan vere ASA, AS, sparebank, gjensidig forsikringsselskap eller samvirkeføretak.
Registrering i Føretaksregisteret
Fristen for registrering av finansføretak i Føretaksregisteret er tre månader frå løyvet frå Finanstilsynet er gitt.
Når du skal registrere eit finansføretak må du legge ved
- stiftelsesdokument med vedtekter
- løyve frå Finanstilsynet
- godkjenning av vedtektene frå Finanstilsynet
- erklæring frå revisor eller finansinstitusjon som viser innbetaling av vedtektsfesta eigenkapital
Føretaket må ha dagleg leiar, styre og revisor. Styremedlemmene, eventuelle varamedlemmer, dagleg leiar, revisor og eventuell rekneskapsførar må stadfeste at dei tar på seg verva. Du må legge ved eigne erklæringar som er signerte, men for styremedlemmene, varamedlemmene og rekneskapsførar er det nok om dei signerer Samordna registermelding.
Enkelte endringar krev godkjenning
De må ha løyve frå Finanstilsynet for å registrere
- nytt formål
- vedtak om auke og nedsetting av kapital
- gjennomføring av fusjon og fisjon
- tildeling av teikningsrettar
- opptak av lån med rett til å krevje at det blir skrive ut eigenkapitalprov
For å slette føretaket, må du først sende melding om oppløysing til oss
Du må legge ved
- protokoll frå generalforsamling som viser vedtak om oppløysing
- dokumentasjon frå Finanstilsynet som viser kva avviklingsstyre dei har valt
Om det blir valt nye styremedlemmer og varamedlemmer til avviklingsstyre, må desse stadfeste at dei tar på seg oppdraget.
Etter at kreditorfristen på seks veker er ute, kan generalforsamlinga vedta at føretaket skal slettast.
Deretter sender du melding om sletting til oss
Du må legge ved
- protokoll frå generalforsamling som viser at revidert avviklingsrekneskap har blitt godkjent
- løyve frå Finanstilsynet til å avvikle føretaket