Klientoverføring ved omorganisering, fusjon eller samanslåing

Klientoverføringa gjeld for revisor, rekneskapsførar, forretningsførar eller representant for utanlandske selskap.

Vilkåra for overføringa er:

• to føretak har fusjonert
• to enkeltpersonføretak har tidlegare drive kvar for seg, men har nå gått saman for å stifte f.eks. eit AS eller eit ANS
• verksemda har tidlegare drive eit enkeltpersonføretak, men har nå oppretta eit AS
• overføringa må gjelde heile klientmassen
• overtakande rekneskapsførar/revisor må vere autorisert hos Finanstilsynet

Eksempel på når det ikkje er klientoverføring:

• føretaket har berre kjøpt kundeporteføljen
• tidlegare føretak skal avslutte verksemda si, og eit nytt føretak blir danna av andre
• endringa medfører endringar i eigarforholdet

Dette må du gjere:

• Før du søker om klientoverføring må du varsle klientane om at dei vil bli overførte til nytt føretak
• Overføring av klientar melder du til Brønnøysundregistera i eit brev
  • I brevet opplyser du grunnlaget for søknaden, organisasjonsnummer og namn til både overdragande og overtakande føretak
  • Søknaden må signerast av enten innehavar, dagleg leiar eller styret sin leiar som skal overføre klientane sine
• Brevet med original underskrift og ein kopi av varselet til klientane må sendast til Brønnøysundregistera per post

Vi gjer merksam på at delegeringa i Altinn ikkje vil bli overført. Ta kontakt med Altinn ved eventuelle spørsmål om delegering.