Sletting av allmennaksjeselskap
Sist oppdatert: 2. januar 2026.
Sletting av eit allmennaksjeselskap melder du i to trinn.
Først melder du oppløysing. Når kreditorfristen på seks uker er ute, kan du melde sletting.
Hovudregelen er at generalforsamlinga avgjer at selskapet skal oppløysast.
Det er ikkje sett ein absolutt frist for når du må melde oppløysinga til Føretaksregisteret, men ifølge allmennaksjelova skal dette skje raskt.
Det er styret som tar seg av avviklinga, så når selskapet er avgjort oppløyst trer styret inn i staden for dagleg leiar.
Du må legge ved
- protokoll frå generalforsamlinga som viser avgjerd om oppløysing
Når kreditorfristen er ute og det er ordna opp i forholdet til kreditorane, kan generalforsamlinga godkjenne det endelege reviderte sluttoppgjeret.
Ver oppmerksam på at sletting må vere meldt til Føretaksregisteret seinest eitt år etter registreringa av oppløysingsavgjerda. Går det lenger tid kan tingretten overta avviklinga.
Du må legge ved
- protokoll frå generalforsamling som viser at det reviderte sluttoppgjeret har blitt godkjent
Generalforsamlinga kan gjere om avgjerd om oppløysing, dersom selskapet ikkje har foretatt utdeling eller har for låg eigenkapital.
Du må melde omgjeringa til Føretaksregisteret raskt.
Ved omgjering må generalforsamlinga også velje styre og revisor, dersom dette ikke finst frå før. Da må revisor, nye styremedlemmer og varamedlemmer stadfeste at dei tar på seg vervet, ved å signere i skjemaet.
Du må også melde ny dagleg leiar, sidan selskapet ikkje har denne rolla mens det er under oppløysing. Dagleg leiar må stadfeste at hen tar på seg rolla, ved å signere i skjemaet.
Ved omgjering må generalforsamlinga også velje styre og revisor, dersom dette ikke finst frå før. Da må revisor, nye styremedlemmer og varamedlemmer stadfeste at dei tar på seg vervet, ved å signere i skjemaet.
Du må også melde ny dagleg leiar, sidan selskapet ikkje har denne rolla mens det er under oppløysing. Dagleg leiar må stadfeste at hen tar på seg rolla, ved å signere i skjemaet.
Du må legge ved
- protokoll frå generalforsamling som viser avgjerd om omgjering av oppløysing og eventuelt val av styre og revisor
- eventuelt protokoll frå styremøtet eller generalforsamlinga, som viser vedtak om tilsetting av dagleg leiar, dersom ikkje heile styret har signert i skjemaet