Kapittel 2: Introduksjon til verksemda og hovudtal

Les årsrapporten i sin heilskap her

Brønnøysundregistera forvaltar nokre av Noregs viktigaste register og tenester, under Nærings- og fiskeridepartementet. Vi utviklar og samordnar digitale løysingar som er både sikre og effektive, og jobbar kontinuerleg med konkrete tiltak for å forenkle kvardagen for næringslivet. Registera våre gjer det enkelt å få oversikt over økonomi, eigarskap og ansvar – slik at alle kan drive verksemd trygt og effektivt.

Dataa vi forvaltar blir brukt i offentleg, privat og frivillig sektor. Dei skapar grunnlag for nye tenester, forretningsmoglegheiter og meirverdi for brukarane, samtidig som dei styrker openheit, kvalitet og sikkerheit og støttar gode avgjerder og samfunnsplanlegging.

Mål og oppdrag

Samfunnsoppdraget vårt i 2025:

Vi skal bidra til auka verdiskaping gjennom å vere ein nasjonal registerførar og datakjelde. Vi skal forvalte registerdata på ein måte som gir tryggleik, orden og oversikt for næringslivet, frivillig sektor, innbyggarar og offentleg sektor.

Nærings- og fiskeridepartementet sine to hovudmål for oss var i 2025:

1. Brønnøysundregistera si registerverksemd skal føre til at registrerte data i størst mogleg grad og til ei kvar tid er sikre og korrekte.

1.  Brønnøysundregistera si verksemd skal føre til ei auka digital registerforvaltning, og løysingar som gir auka digital samhandling med og mellom ulike aktørar i samfunnet.

Desse prosjektene var prioriterte i 2025:

• prosjekt for ny registerplattform (BRsys)

• prosjekt brukarvennlege registertenester (BVR)

• programmet nye Altinn

• Register over reelle rettshavarar

• Registeret for offentleg stønad

• eigarskapsopplysningar aksjar

Visjon og strategi

Visjonen vår er:  For tillit og fornying av samfunnet  

Strategien har følgande satsingsområde:

• Vi skal forenkle og innovere gjennom samhandling og datadeling​

• Vi skal skape tillit i samfunnet gjennom openheit og korrekte data​

• Vi skal bygge ein organisasjonskultur med innovasjon og læring i sentrum​

• Vi skal utforske og på ein forsvarleg måte utnytte dei moglegheitene kunstig intelligens gir

Organisasjon og leiing

Toppleiinga har i 2025 bestått av:

• Direktør: Lars Peder Brekk

• Kommunikasjonsdirektør: Kristine Aasen

• Avdelingsdirektør verksemdsstyring: Solveig Sverdrupsen

• Avdelingsdirektør registerforvaltning: Lise A. Dahl Karlsen

• Avdelingsdirektør forretningsutvikling: David Norheim

• Avdelingsdirektør informasjonsteknologi: Kjell-Arne Strøm Hansen

Organisasjonskart pr 31.12.2025:

Utvalde tal
Registerforvaltninga vår er automatisert og digital, og andelen digital rapportering var i 2025 96,7 %. Meir enn tre av fire saker blei behandla heilt automatisk (76,7 %) og nær 100 % av det som blei sendt ut frå oss er digitalt gjort tilgjengeleg.
Antal oppslag i sekundet i registera våre er 378, totalt antal i 2025 er 12 milliardar.

Tabellen under viser verksemda sine nøkkeltal.    

*inkluderer telefonar og e-post til bedriftsrettleiinga vår. Vi opplever ei markant auking i etterspurnad etter dataa våre, med heile 100 % fleire oppslag mot dei digitale tenestene våre. Den aukande interessen kjem frå både private og offentlige aktørar.

Aukinga i andel innkomne saker til registera våre er cirka 10 %. Dette er ein vesentleg auke som skuldast auka antal saker i register over reelle rettshavarar (174 000) og inkje til utlegg og utleggstrekk har auka med cirka 88 000 saker.

Tabellen under viser verksemda sine nøkkeltall.  

Avtalte årsverk: Summen av antal heiltidsjobbar (arbeidsforhold) og deltidsjobbar omrekna til heiltidsjobber. Utførte årsverk: Årsverk justert for ulike former for meirarbeid (overtid, reisetid og meirtid) og fråvær. Tal for 2023 er justert i forhold til tidlegare år grunna oppdatert berekningsmetode.

Tabellen er basert på uttrekk frå kontantrekneskapen og sideutgifter er ikkje tatt med i grunnlaget. Post 45 (BRsys) er ikkje tatt med i grunnlaget for berekning av utnyttingsgrad og lønnsandel.

Lønnsoppgjeret for 2024 blei betalt ut i 2025. Dette har gitt nokre korrigeringar i tala for 2024.