Informasjon til forhandlarar

Når de skal logge dykk inn i nytt våpenregister kan de gjere det med f.eks. BankID og velje den verksemda du/de representerer.

For verksemder som driv næringsverksemd med registreringspliktige våpen eller våpendelar, blir det sett opp to ulike rettar i løysinga:

• ein som er tiltenkt løyvehavar
• ein som er tiltenkt seljarar

Løyvehavar vil ha tilgang til alle funksjonar, mens seljar har meir avgrensa rettar.

Daglig leiar har begge rollene og kan delegere retten vidare til dei som skal ha han. Dette vil da styre tilgangen i det nye våpenregisteret. Endringar i tildelte rettar blir gjort inne på Altinn.

Ei verksemd må vere registrert i våpenregisteret med korrekt organisasjonsnummer frå Einingsregisteret.

• Ei næringsverksemd med registreringspliktige våpen eller våpendelar må ha registrert næringsløyve på riktig organisasjonsnummer, for å få tilgang til funksjonalitet som slike verksemder skal ha.
• Ei verksemd med innehavsløyve/våpenkort på våpen, må ha desse knytte mot organisasjonsnummeret, for at desse skal visast.

Verksemder med fleire undereiningar

Dersom ei verksemd er organisert med fleire undereiningar, og kvar undereining styrer si eiga lagerbehaldning (og har eigne løyvehavarar), må kvar undereining vere registrert med sine respektive organisasjonsnummer, og løyvehavar som representerer ho.

Dersom verksemda står registrert med f.eks. berre hovudeininga sitt organisasjonsnummer, vil ein ikkje ha moglegheit til å skilje mellom kva våpen/våpendel kvar enkelt undereining har, og våpenbehaldninga vil da bli styrt som ei stor verksemd.

Med innføringa av nytt våpenregister vil de få ei heilt ny løysing for eigaroverføring som erstattar dagens papirbaserte rutinar, både når det gjeld løyvehandtering og kvartalsrapportering.

For alle digitale brukarar bli ervervsløyva (kjøpeløyva) digitale og kvar enkelt kan velje å dele desse med andre digitale brukarar. Ved å be om løyvedeling kan de, når løyvet er mottatt, knytte dette løyvet til eit spesifikt våpen og gjennomføre eigaroverføringa i sanntid. Når de har send – og kjøpar har godtatt – eit forslag om eigaroverføring, blir våpenet overført til ny eigar med det same. Våpenet blir automatisk ført ut av forhandlar si lagerbehaldning og det vil ikkje vere noko behov for å oversende rapportar til politiet på gjennomførte sal (og kjøp).

De vil få brukarrettleiingar for korleis kjøp og sal skal gjennomførast i praksis i forkant av endringa.

Ved gjennomførte eigaroverføringar vil ny eigar av våpenet umiddelbart få eit digitalt våpenkort på våpenet eller våpendelen. Dette våpenkortet vil så kunne bli anvendt ved kontrollar og ved kjøp av ammunisjon.

Som forhandlarar vil de få tilgang til digitale løysingar for import og for å kunne selje og kjøpe større kvanta forhandlarar imellom. De vil også få meir informasjon og brukarrettleiing for desse prosessane. For import vil ein bruke same filformat, og tilnærma same prosess, som når de innrapporterer lagerbehaldning.