Protokoll frå generalforsamling i burettslag
Sist oppdatert: 2. januar 2026.
Burettslaget skal skrive protokoll (referat) frå generalforsamlinga.
Generalforsamlinga er burettslaget sitt øvste organ. Det er andelseigarane som har møte- og stemmerett her. Burettslaget skal halde ordinær generalforsamling innan utgangen av juni kvart år. Alle andre generalforsamlingar er ekstraordinære generalforsamlingar.
Du kan sladde delar av protokollen ved behov, så lenge minstekrava ikkje er overstrokne og kan kontrollerast av oss.
Kva opplysningar skal protokollen innehalde?
Protokollen skal minst innehalde opplysningar om
- kva burettslag som held generalforsamlinga
- kva dato generalforsamlinga blei halden
- kor mange andelseigarar som var representerte
- generalforsamlinga si godkjenning av innkallinga
- vedtak som er gjort på generalforsamlinga
Protokollen skal signerast av møteleiaren og minst ein annan person, vald av generalforsamlinga, blant dei som er til stades.