Dokumentet skal opprettast av stiftarane. Stiftarane er dei som teiknar aksjar i selskapet. Dette kan vere ein eller fleire fysiske eller juridiske personar (som for eksempel aksjeselskap eller ansvarleg selskap).

Stiftelsesdokumentet skal innehalde

• namnet/føretaksnamnet, adressa og fødselsnummeret/organisasjonsnummeret til stiftarane
• kor mange aksjar kvar av stiftarane skal teikne
• beløpet som du skal betale for kvar aksje
• tidspunktet for oppgjer av aksjeinnskot
• opplysningar om kven som skal vere medlemmar av styret til selskapet
• opplysningar om selskapet skal dekke utgiftene ved stiftelsen eller ikkje
• vedtektene til selskapet

Utanlandske personar som er stiftarar treng berre å føre opp namn, fødselsdato og adresse. Er det ei utanlandske verksemd, må du føre opp stiftar sitt føretaksnamn og adresse. Er stiftar ei norsk eller utanlandsk verksemd må du i tillegg føre opp kven som representerer stiftaren.

Stiftelsesdokumentet skal vere datert og signert av alle stiftarane.

Stiftelsesdokumentet skal også vise eventuell informasjon om

• aksjeinnskotet skal kunne gjerast opp med andre eigedelar enn pengar
• nokon skal ha særskilde rettar ved stiftelsen
• val av revisor dersom selskapet skal ha revisor

Sjå eksempel på stiftelsesdokument (pdf)

Ønsker  du meir informasjon om det å stifte eit aksjeselskap, kan du sjå aksjelova kapittel 2.