Innsending av årsrekneskap

Sist oppdatert: 18. januar 2019 .

Alle innsendingspliktige einingar skal sende inn årsrekneskap til Rekneskapsregisteret seinast 31. juli. Det er ikkje mogeleg å få utsett fristen for innsending.

Om eininga ikkje overheld fristen, kjem det eit gebyr som kan bli 59 800 kroner.

Når du har sendt inn årsrekneskapen, vil du få tilbakemelding i innboksen i Altinn og på e-post.
Om du har sendt inn årsrekneskap innan fristen, vil du få to veker til å rette opp feil eller manglar utan at dette fører med seg forseinkingsgebyr.

Innsending av årsrekneskap til Rekneskapsregisteret må gjerast i tillegg til innsending av skattemelding til Skatteetaten.