|
I Noreg er det enklare for næringslivet å sikre seg lån til nye investeringar med tryggleik i noverande verdiar enn i dei fleste andre land. Det skuldast den heilt spesielle ordninga vår med tinglysing av pant og andre rettar i Lausøyreregisteret og andre tinglysingsregister.
Tinglysing av rettar i lausøyre skjer i Laussøyreregisteret, og medfører at retten blir registrert som hefte på den personen eller det føretaket som pantekravet rettar seg mot.
Pant og andre rettar i akvakulturløyve blir tinglyste i Akvakulturregisteret. Akvakulturregisteret er eit realregister, og tinglysing skjer på løyvenummeret.
I tillegg blir ektepakter, opning av gjeldsforhandlingar og gjeldsordningar tinglyste.
Tinglysingar er offentlege, det vil seie at alle kan få opplysningar om dei hefta som er registrerte.
|
