|
Innsendingspliktige aksjeselskap, allmennaksjeselskap, bustadbyggjelag, samvirkeføretak og europeiske selskap som ikkje har sendt inn
komplett årsrekneskap til Rekneskapsregisteret innan
seks månader etter at fristen gjekk ut, vil få eit brev kor vi etterlyser den manglande
årsrekneskapen. Einingane får samtidig ny frist med ein månad for å levere dette.
Dersom vi ikkje har motteke og godkjend årsrekneskap,
årsmelding og revisjonsmelding før utgangen av den nye fristen, kunngjer
vi dette på Internett (www.brreg.no)
og i lokale aviser. I kunngjeringa blir det gitt ytterlegare ein frist
på fire veker før eininga blir send til tingretten.
Rekneskapsregisteret orienterer då den
lokale tingretten om at vilkåra for tvangsavvikling
er oppfylte. Tingretten skal tvangsoppløyse eininga
utan ytterlegare varsel. Tvangsavviklinga skjer då etter
reglane i konkurs- og dekningslova.
Forseinkingsgebyret må betalast i alle høve.
|
