|
Den rekneskapspliktige får tilsend stadfesting på at vi har motteke og godkjend den innsende årsrekneskapen. Ved elektronisk innsending blir det også gitt melding i Altinn og til registrert e-postadresse. Dette kan du også kontrollere på Internett (www.brreg.no/kunngjoring/).
Dersom det er manglar ved innsendinga som gjer at årsrekneskapen ikkje kan godkjennast, vil dokumenta bli returnerte til den rekneskapspliktige ved papirinnsending. Eventuelle manglar ved elektronisk innsending blir varsla i brev til eininga, melding i Altinn og til registrert e-postadresse.
Alle tilbakemeldingar frå Rekneskapsregisteret blir sende til den adressa som den rekneskapspliktige står registrert med i Einingsregisteret. Pass derfor på å melde adresseendringar til Einingsregisteret. Dette gjer du enklast på Internett: www.brreg.no/registrering/elreg_endringer_n.html. Elles kan du laste ned blanketten «Samordna registermelding» frå Internett: www.brreg.no/blanketter/index_n.html eller bestille han på telefon 75 00 75 00.
|
