|
Alle som har rekneskapsplikt etter rekneskapslova § 1-2 skal sende årsrekneskap, årsmelding og eventuell revisjonsmelding til Rekneskapsregisteret i Brønnøysund. Les meir om rekneskapspliktige einingar.
Rekneskapsplikta gjeld også for einingar som er under avvikling inntil dei er sletta i Einingsregisteret og Føretaksregisteret. Plikta gjeld sjølv om det ikkje har vore drift.
Desse dokumenta skal sendast inn:
- Resultatrekneskap
- Balanse
- Notar til rekneskapen (noteopplysningar er ein del av årsrekneskapen og må utarbeidast (sjå rekneskapslova kapittel 7)
- Kontantstraumoppstilling (ikkje nødvendig for ”små føretak”, sjå rekneskapslova § 1-6)
- Årsmelding
- Revisjonsrapport
- Utfylt følgjeskriv Vedlegg til årsregnskap (ved elektronisk innsending via Altinn, skal dette ikkje leggjast ved)
Ellers bør du snakke med revisor dersom du er i tvil om du har rekneskapsplikt, eller du kan sende inn årsrekneskapen dersom du synest det er det enklaste.
* Enkelte organisasjonsformer, som for eksempel enkeltpersonføretak, ansvarlege selskap, selskap med avgrensa ansvar og lag/foreiningar, har unntaksreglar for revisjon. Det betyr at revisjonsplikta først gjeld når visse kriterium er til stades.
|
