For foreiningar i Frivilligregisteret
Foreiningar som er registrerte i Frivilligregisteret, og som har valt å rapportere rekneskapsopplysningar, skal sende inn årsrekneskapen frå og med det året foreininga tok på seg slik rapporteringsplikt (tidlegast rekneskapsåret 2009). Årsrekneskapen skal innehalde følgjande:
Aktivitetsrekneskap og balanse. Oppstillingsplan/oppsett over postane som blir nytta når årsrekneskapen blir sett opp etter reglane for frivillig verksemd.
- Noteopplysningar
- Årsmelding
Nærmare opplysningar om frivillig rapportering av rekneskapsopplysningar finst i kapittel 6 av forskrift til lov om register for frivillig virksomhet.
Det er berre foreiningar som ikkje har ordinær rekneskapsplikt som kan velje å plikte seg til å rapportere rekneskapsopplysningar til Rekneskapsregisteret. Til bruk for desse foreiningane finst eit eige skjema i www.altinn.no ; RR-0009 Årsregnskap for frivillig virksomhet – Foreninger.
Dersom årsrekneskapen skal sendast per post, må i tillegg følgjeskrivet Vedlegg til årsregnskap fyllast ut og leggjast ved.
Frist for innsending av årsrekneskapen til Rekneskapsregisteret:
- før 1. oktober året etter rekneskapsåret dersom foreininga avsluttar årsrekneskapen i perioden 01.07. til og med 31.12.
- før 1. april året etter rekneskapsåret dersom foreininga avsluttar årsrekneskapen i perioden 01.01. til og med 30.06.
Dersom ei foreining som har teke på seg innsendingsplikt ved registrering i Frivilligregisteret let vere å sende årsrekneskap til Rekneskapsregisteret, og dermed ikkje oppfyller plikta, vil Frivilligregisteret følgje opp saka.
|
