 |
Før ei eining eller eit føretak kan registrerast
i Føretaksregisteret eller Einingsregisteret er det
mange forhold som må vere i orden. Krava til meldinga
som blir send til Brønnøysund går fram
av lovverket og er forklart i rettleiinga
til blanketten Samordna registermelding. Likevel opplever
ganske mange å få meldinga i retur med melding
om manglar. Ein del feil og manglar går igjen, og mange
av dei er enkle å unngå. Vi har sett opp ei hugseliste
du kan bruke for å unngå dei ni vanlegaste feila.
1. Pass på at meldinga er underskriven av alle som
skal skrive under
Krav til underskrifter for forskjellige typar meldingar finn
du i rettleiinga til Samordna registermelding.
2. Hugs vedlegg som dokumentasjon på opplysningane
i blanketten
Mange av opplysningane som du gir opp i blanketten skal dokumenterast,
for eksempel med stiftingsdokumenter, protokoll som viser
val av styre og vedtekter. Krav til vedlegg finn du i rettleiinga
til Samordna registermelding. Pass på at det er samsvar
mellom opplysningane i blanketten og i vedlegga. Dersom nokre
av vedlegga er kopiar, må kopiane vere stadfesta.
3. Styret må vere fullstendig (AS)
For aksjeselskap blir det stilt krav til styre ved registrering
i Føretaksregisteret. Dersom styret berre består
av eitt eller to medlemer, må det veljast eit varamedlem
til styret. Dersom selskapet har ein aksjekapital på
tre millionar kroner eller meir, skal styret bestå av
minst tre medlemer.
4. Bruk godkjend blankett
Både registrering av nye einingar/føretak og
endring av registrerte opplysningar skal gjerast på
blanketten "Samordna registermelding". Blanketten
får du blant anna frå Brønnøysundregistra,
eller du kan laste ned ein elektronisk versjon.
5. Hugs forretningsadresse/besøksadresse
Med forretningsadresse/besøksadresse meiner vi hovudkontoret
si gateadresse eller stadsadresse på mindre stader.
På større poststader skal ein oppgi gate/stadnamn.
Postboksadresse kan du gi opp i eige felt for postadresse.
6. Gi ei god framstilling av verksemd/bransje
Gi ei så nøyaktig framstilling som mogeleg av
eininga si verksemd/bransje. Skriv for eksempel kva varer
som blir produserte eller selde, eller kva tenester eller
aktivitetar som blir utførde. Eksempel kan vere butikkhandel
med daglegvarer, konsulentverksemd innan sal og marknadsføring,
jordbruksverksemd med kjøt- og mjølkeproduksjon
etc.
7. Gi opp innehavar, dagleg leiar eller kontaktperson
Ei eining må ha ein innehavar, dagleg leiar, forretningsførar
eller annan kontaktperson. Dersom dagleg leiar/forretningsførar
er ein juridisk person, må du i tillegg gi opp ein ein
fysisk person som kontaktperson.
8. Hugs fullstendig fødselsnummer for alle personane
Du må gi opp fødselsnummer (11 siffer) for alle
personar som skal ha ei rolle i forhold til eininga, for eksempel
som styremedlem eller som deltakar. For utanlandske statsborgarar
utan norsk fødselsnummer må det gis opp eit D-nummer.
Blankett for oppmoding om tildeling av D-nummer får
du frå Brønnøysundregistrene.
9. Alle dei relevante felta i blanketten må vere
utfylte
Du skal berre fylle ut dei felta i blanketten som er relevante
for den eininga som skal registrerast. For eksempel skal du
ikkje gi opp nokon aksjekapital for eit enkeltpersonføretak.
Men det er viktig at alle dei relevante felta er utfylte.
Når det gjeld registrering i Føretaksregisteret,
finn du ei oversikt over kva felt som må fyllast ut
for ulike organisasjonsformer i rettleiinga.
|
|
