|
Lausøyreregisteret er eit tinglysingsregister for
rettar og pant i lausøyre. Ei tinglysing medfører
at retten, eller pantet, blir registrert som hefte på
den personen eller det føretaket pantekravet rettar
seg mot. Tinglysinga gjev rettsvern overfor kreditorar. Lausøyreregisteret
er mest kjent som opplysningskjelde i samband med pantehefte
på bruktbilar og andre køyretøy.
Ved Lausøyreregisteret gjennomfører vi rask
og påliteleg registrering av pant og andre rettar. Det
gjer at næringslivet i Noreg lettare kan sikre seg lån
til nye investeringar med sikring i eksisterande verdiar enn
i dei fleste andre land.
Er pantegjenstanden ei registrert motorvogn, er heftet knytt
til registreringsnummeret. Dei fleste kjenner kanskje Lausøyreregisteret
som opplysningskjelde i samband med pantehefte på bruktbilar
og andre køyretøy. Mange har unngått å
få gjeld frå seljaren med på kjøpet
ved å kontakte Lausøyreregisteret.
I tillegg til motorvogner kan ein tinglyse pant i anleggsmaskinar,
varelager, reiskapar og buskapar i landbruket m.m. Leasingavtalar
for bilar og factoringavtalar (pant i kundefordringar) er
andre døme. Lensmennene, byfogdane og kemnerane tinglyser
pant ved tvangsforretningar.
Tinglysingar er offentlege, det vil seie at kven som helst
kan få opplysningar om dei hefte og rettar som er registrerte
i Lausøyreregisteret. Saman med opplysningar frå
Føretaksregisteret og Rekneskapsregisteret kan ein
pantattest frå Lausøyreregisteret gje eit godt
bilete av til dømes ein potensiell kunde eller samarbeidspartnar.
Frå 01.03.2008 blir utleggstrekk og forretningar om ”intet til utlegg” registrerte i Lausøyreregisteret. Det er oppretta ein felles database for Statens innkrevjingssentral og dei ulike namsmaktene. Informasjonen i databasen vil bli send elektronisk frå namsmaktene til Lausøyreregisteret og vidare til kredittopplysningsbyråa.
I motsetning til tinglyste hefte i Lausøyreregisteret, vil det bli avgrensa innsyn. Lausøyreregisteret kan berre gi desse opplysningane til advokatar, finansinstitusjonar, inkassobyrå, kredittopplysningsbyrå, offentleg styresmakt og saksøkte/skyldnaren sjølv. Kredittopplysningsbyråa kan utlevere opplysningane vidare til kundane sine. Meir om utvida registrering av utleggsforretningar
|
