|
 |
Jegeravgifta er ei årleg avgift for dei som skal drive med jakt, felling og fangst. Viltfondet blir brukt til å forvalte naturressursane i Noreg. Foto: Gunnar Kjærstad |
Jegerregisteret vart etablert i 1982 av Direktoratet for
naturforvaltning, som også stod for drifta. I mars 1999
vart drifta av Jegerregisteret overførd frå direktoratet
i Trondheim til Brønnøysundregistra.
Oppgåvene som blir utførde ved Jegerregisteret
i Brønnøysund, er først og fremst å
registrere jegerar som har greidd jegerprøven, og å
sende ut jegeravgiftskort. Jegerregisteret har internettløysingar for betaling av jegeravgift og lisensfelling. Desse løysingane kan brukast av norske og utanlandske jegerar som er registrerte i registeret. Jegerinformasjon om vilt, jakttider,
våpen og ammunisjon tek Direktoratet for naturforvaltning seg av.
Ved starten på det nye jaktåret 1. januar 2010
var det registrert 439 000 jegerar i
Jegerregisteret.
Av desse betalte 197 000 jegerar jegeravgifta for jaktåret 2010/2011.
Jegerregisteret er eit sjølvstendig register
med eige telefonnummer, e-postadresse,
telefaks og postadresse.
Jegerregisteret, Postboks 905, 8910 Brønnøysund Telefon: 75 00 79 99 E-post:jegerregisteret@brreg.no
|
