Pressemelding 05.01.2012
Årsstatistikk for 2011 frå Føretaksregisteret
For fyrste gong på ti år er det nedgang i talet på nyregistreringar av norskregistrerte utanlandske føretak (NUF). I fjor blei totalt 28 070 nye føretak av ulike slag registrerte i Føretaksregisteret. Dette er 364 fleire enn i 2010. I året som no er omme blei 22 455 føretak sletta, mens det tilsvarande talet på slettingar i 2010 var 24 476.
I 2011 blei det registrert 3 639 nye norskregistrerte utanlandske føretak (NUF), mens talet for 2010 var 4 790. Ein jamn årleg vekst i talet på nyregistrerte NUF ser no ut til å vere over. Sia 2001 har talet på norskregistrerte utanlandske føretak (NUF) auka kvart år, men i 2011 var det i Føretaksregisteret for fyrste gong nedgang i talet på nyregistrerte NUF samanlikna med året før.
Enkeltpersonføretak
Det blei registrert 31989 nye enkeltpersonføretak i Einingsregisteret i 2011. 5 667 av desse blei også registrert i Føretaksregisteret.
Fleire nyttar elektronisk innsending
Talet på føretak som sender inn nyregistreringane og endringane sine elektronisk gjennom altinn.no. auka også i 2011. Dei elektronisk innsende meldingane utgjorde i fjor på om lag 53 prosent. I desember var heile 63 prosent av meldingane til Føretaksregisteret innsende elektronisk
Ved årsskiftet var det til saman registrert 424 779 føretak i Føretaksregisteret. 219 977 av desse er aksjeselskap.
Kontaktperson:
Underdirektør Sverre Hovland. Telefon: 75 00 76 67
|
