26 667 hadde ikkje sendt inn årsrekneskap

Pressemelding 21.09.2010

Då Rekneskapsregisteret sjekka status 1. september 2010, mangla 26 667 årsrekneskap for rekneskapsåret 2009. Dette er ein liten nedgang i høve til i fjor.

Dei årsrekneskapane som manglar utgjer totalt 10,9 prosent av dei innsendingspliktige. Dette er ein nedgang samanlikna med i fjor, då det tilsvarande talet var 12,6 prosent.

I år er det ingen nye einingsslag som må betale  forseinkingsgebyr. Til liks med tidlegare år er det organisasjonsformene aksjeselskap  (19 254), norskregistrerte utenlandske føretak (4 952) og stiftingar (1 017) som utgjer hovudmengda.

Frist 31. august

– Det var gitt frist til 31. august for å sende inn årsrekneskapen elektronisk. Det er lurt av etternølarane å sende inn årsrekneskapen gjennom Altinn, for då vil forseinkingsgebyret bli mindre, seier underdirektør Arnold Ovid ved Rekneskapsregisteret.

Brev med påminning

No sender Rekneskapsregisteret ut brev til alle einingane som framleis har løpande forseinkingsgebyr. Både eininga som gebyransvarleg og alle dei som kan bli solidarisk ansvarlege, får tilsendt brev.

For aksjeselskap, allmennaksjeselskap, bustadbyggjelag og samvirkeføretak som ikkje sender inn årsrekneskapen innan seks månader etter at fristen gjekk ut, vil Rekneskapsregisteret sende melding til tingretten, som så avgjer om eininga skal bli tvangsoppløyst.

Til redaksjonen:

Nederst finn du fylkesvis oversikt over talet på einingar som per 1. september 2010 ikkje hadde sendt inn årsreknskapen før fristen gikk ut.

For meir informasjon, kontakt underdirektør Arnold Ovid ved Rekneskapsregisteret, telefon 75 00 77 83

Antall einingar som ikkje hadde sendt inn komplett årsrekneskap innan fristen, fordelt på fylke: