 |
Narviktelefonansvarleg Bjørnar Mathisen hos Brønnøysundregistra i Narvik framfor delar av den staben som kan gi deg og andre innringjarar svar på spørsmål om norsk næringsliv og det offentlege
(Foto: Brønnøysundregistrene/Harald Harnang.) |
(22.01.2010) Personar som ønskjer å starte eiga bedrift og bedriftsleiarar som har spørsmål om alt frå arbeidsgivaransvar til moms, kan skaffe seg sin eigen bedriftsrettleiar. Gratis. Det er Nærings- og handelsdepartementet som betaler. Tilbodet er i regi av Brønnøysundregistra sin seksjon i Narvik, og tenesta heiter Narviktelefonene (800 33 840).
- Alle kvardagar i kontortida sit det inntil tolv dyktige bedriftsrettleiarar klare for å gi etablerarar og norsk næringsliv svar på heile bredda av spørsmål som gjeld bedriftene sitt forhold til det offentlege: Hjelp til etablering, organisasjonsformer, skatt, moms, arbeidsgivaransvar, permitteringar, import og så vidare, fortel Narviktelefon-ansvarleg, Bjørnar Mathisen.
- Det er i praksis få avgrensingar med omsyn til kor lenge og kor ofte ein kan ringje. Å bruke omgrepet ”gratis personleg bedriftsrettleiar” er derfor ikkje aldeles feil, seier Mathisen, vel vitande om at mange nok i tillegg vil ha god bruk for både offentlege og ikkje minst private rådgivarar innanfor ulike område.
- Vi har solid fagkompetanse. Dei som ringjer får dermed i all hovudsak svar på direkten, og i alle høve i løpet av få timar. I tillegg legg vi stor vekt på å snakke forståeleg norsk, ikkje fagspråk.
Utanom arbeidstid kan ein sende inn spørsmål via e-post via nettstaden www.bedin.no
 |
Alle kvardagar i kontortida får du råd om etablering og drift av næringsverksemd hos Narviktelefonene.
(Foto: Brønnøysundregistra/Harald Harnang.) |
Til redaksjonen
Spørsmål om Narviktelefonene: Bjørnar Mathisen. 91 67 09 27
Spørsmål om Brønnøysundregistra/Narvik: Terje Hansen, 91 11 98 63
Spørsmål om Brønnøysundregistra: Kommunikasjonssjef Dan-Erik Aggvin: 902 52 275
Bilettekstar
Ved å klikke på bileta får du opp ein større versjon til pressebruk.
1. Narviktelefonansvarleg Bjørnar Mathisen hos Brønnøysundregistra i Narvik framfor delar av den staben som kan gi deg og andre innringjarar svar på spørsmål om norsk næringsliv og det offentlege
(Foto: Brønnøysundregistrene/Harald Harnang.)
2. Alle kvardagar i kontortida får du råd om etablering og drift av næringsverksemd hos Narviktelefonene.
(Foto: Brønnøysundregistra/Harald Harnang.)
|
