|
Brønnøysundregistra sin nettstad oppfyller dei krava som lovgjevinga stiller til språkleg jamstilling. Vi følgjer Lov om målbruk i offentleg teneste, som krev at sentrale statsorgan skal veksle mellom å nytte bokmål og nynorsk. Inga målform skal vere representert med mindre enn 25 prosent (jf. Forskrift om målbruk i offentleg teneste, § 6).
Innhald på begge målformer
• Alle nyheiter og pressemeldingar blir publiserte både på nynorsk og bokmål.
• Storparten av dei sidene som informerer om tenestene våre blir skrivne på begge målformene.
• Alle skjema og rettleiingar som er tilgjengelege for nedlasting på nettstaden vår, vil vere på både bokmål og nynorsk.
• På ei bokmålsside vil det oftast vere ein knapp som lenkjer til den nynorske utgåva av sida, og omvendt.
Vil bli betre
Vi strevar etter å gje nynorskbrukarane eit stadig betre tilbod på nettsidene våre. Men med dei tekniske løysingane vi nyttar i dag, vil blant anna resultatsidene for søketenestene våre bli presenterte på bokmål. Dei fleste menyane vil og vere på bokmål. Brønnøysundregistra arbeider for tida med å lage ein nettstad som vil få fullverdige versjonar på begge målformene.
|
