(06.02.2012) Frå 1. mai 2011 blei det opna for at aksjeselskap som oppfyller visse kriterium kan vedta at årsrekneskapen ikkje skal reviderast.
I forskrift til rekneskapslova er det meldt at aksjeselskap skal opplyse om:
– selskapet har vedteke at årsrekneskapen ikkje skal reviderast
– årsrekneskapen er utarbeidd av ekstern autorisert rekneskapsførar
– ekstern autorisert rekneskapsførar har i løpet av rekneskapsåret hjelpt til ved den løpande rekneskapsføringa eller utført andre tenester for selskapet enn å utarbeide årsrekneskapen
Inntil ny funksjonalitet er tilgjengeleg i Altinn, nyttar Rekneskapsregisteret dei same skjemaversjonane som i 2011. Derfor er det per i dag ikkje mogeleg å melde dei tre ovannemnde opplysningane i skjemaa våre.
Aksjeselskap som ønskjer å spesifisere desse opplysningane, kan i ein overgangsperiode gi opp dette i eit filvedlegg. Det vil i denne perioden ikkje vere krav om å gi opp desse opplysningane, sjølv om fråval er vedteke. For å avgjere om det er revisjonsplikt, vil Rekneskapsregisteret i saksbehandlinga av årsrekneskap sjekke om fråval er registrert hos Føretaksregisteret i løpet av rekneskapsperioden.
Vi reknar med at nye oppdaterte skjema vil vere tilgjengelege i Altinn frå første halvdelen av april.
Regelverk
• Kriterium for vedtak om fråval av revisjon (aksjeloven kapittel 7, II)
• Forskrift til rekneskapsloven § 8-2-1
|
