(28.09.2010) Konseptvalutgreiinga for Brønnøysundregistra si framtidige lokalisering er no ferdig kvalitetssikra.
Det står att to hovudalternativ til lokalisering, som skal utgreiast vidare. Alternativa er nybygg eller fullrenovering/utbygging av dagens bygg.
– Oppdraget med tilleggsutgreiing kjem først etter at Nærings- og handelsdepartementet har vore på synfaring i Brønnøysund, måndag 11. oktober, seier prosjektleiar Terje Nilsen.
Utgreiinga skal blant anna innehalde ei best mogeleg visualisering av dei alternative løysingane.
Det vidare arbeidet vil gå føre seg i nært samarbeid med Brønnøy kommune. Prosjektleiaren vil møte i kommunestyret onsdag 29. september for å gi ei orientering om status så langt og om planane framover.
Prosjektleiaren trur at den komande prosessen vil hjelpe til å finspisse løysingane noko meir, og at vi kan sjå nye, spennande moglegheiter ved dei alternativa som er utgreidde.
Les kvalitetssikringssrapporten
|
