(09.07.2010) Treng du å få registrert eit nytt føretak eller oppdatere opplysningar på eit registrert føretak, bør du i sommar nytte deg av den elektroniske versjonen av Samordna registermelding i Altinn. Om sommaren aukar saksbehandlingstida på saker som blir sende inn på papir.
Saker som blir sende på papir til Føretaksregisteret har ei behandlingstid på meir enn to veker. Underdirektør for rådgivarstaben i Næringsavdelinga, Sverre Hovland, seier at årsaka til den lange saksbehandlingstida er ferieavvikling kombinert med høg innkomst. Hans oppfordring til deg som i sommar skal registrere eit føretak, slette eller gjere endringar, er å nytte den elektronisk løysinga.
- Saksbehandlingstida for dei elektroniske meldingane er berre få dagar, informerer Hovland.
Den elektroniske løysinga kan brukast for dei fleste meldingar og organisasjonsformer.
- Du fyller berre ut dei felta som er nødvendige. Det er hjelpetekstar for kvart felt
- Kontroll av skjemaet før innsending gjer det lettare å oppdage feil eller manglar og det er mindre risiko for å få meldinga i retur
- Saksbehandlingstida er kortare
- Lågare gebyr for elektroniske meldingar til Føretaksregisteret
- Miljøvennleg og kjapt, du sparer papir og postsending
|
